【林鍾大戰前哨】林作簽「生死狀」確定出戰鍾培生 ：「睇死我？我就打俾你睇！」 內文有片！
撰文：神仙b｜圖片：林作 IG 、鍾培生IG 截圖｜編輯：海月
林作簽「生死狀」確定出戰鍾培生
林鍾一戰可以話係香港2021年最盛大嘅花生提供商，源源不絕嘅花生，食到網民飽飽。先前一口應承出戰並且豪言要打殘鍾培生嘅林作，之後多次改口。
先話舉辦辯論賽取代拳擊賽；又豪言要出200萬挑機。擾擾攘攘幾輪之後冇，林作終於肯應戰。但隔日又撕爛鍾培生寄來的合約。林作口就講不滿對方律師以中文撰寫合約，但實際係乜事大家都心知肚明，被網民恥笑佢縮沙。
為咗爭取會網民嘅支持，仲無啦啦話自己代表香港平民百姓，要痛毆富二代，為全港市民出氣。
雖然佢講得好響，不過網民恥笑聲仲大。林作見網民對佢恥笑嘅輸出綿綿不絕，最後不甘受辱嘅佢決定簽字出賽。林作更表示已開始接受操練，並承認日前跟鍾培生已簽好合約，表示「打死無命賠」。
簽完字嘅林作講呢嘢特別有中氣，自稱「真男人」！林作高聲疾呼：「大家睇死我？我就打俾你睇」。而鍾培生就透露星期五會舉行記招，到時會宣布擂台戰進度及細節。小編會喺第一時間幫大家跟進報導，星期五見！今日鍾培生透過公關公司出通告，公布周五（5日）舉行「培生擂台記者會」，
林作向傳媒透露已開始接受拳擊操練，並指經訓練後已經好勁﹗
鍾培生指自己之前接受四個月訓練便上擂台比賽。
鍾培生首度拍片道出林作瓜葛始末
鍾培生日前首度拍片，道出跟林作瓜葛始末，並解釋討厭林作原因。鍾培生直指林作的成就只有「同過香港小姐一齊」，狠批林作借女人上位，直指林作人格「唔好得去邊」。鍾培生又直指林作一直是他死穴，因為大家同月同日生日（12月23日），在討論區不時被網民作比較，鍾培生怒轟：「將我同佢比較，簡直拉低我智商。」
https://youtu.be/iDK59_Yhv6Y
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
