網民狂數Donki 6宗罪！又貴又冇日本貨 Aeon都正過Donki

Donki 經營愈來愈差 網民狂數6宗罪

Donki剛來香港時，市民都蜂擁而上，不過事隔3年，Donki分店在香港漸漸飽和外，有網民更指現時寧願行Aeon都不在Donki購物，因以下6點，直言：「Donki將來收x都係自己攞嚟！」

1.Donki愈來愈少日本貨

日本的Donki與香港Donki所賣的貨品有些出入，近年來香港Donki引入不少中國製產品惹人不滿，加上香港產品愈來愈多，網民直言：「想買日本貨反而搵唔到！」

2.Donki貨品價錢愈來愈貴

主打平價貨的Donki，近年日幣貶值但貨品沒有減價之餘反升，日本貨比Aeon及759貴，港貨也低不過百佳，加上Aeon不時有信用卡95折及會員感謝日等，Donki已經對不住賣平貨這個稱號，網民認為：「Aeon都正過Donki！」

3.Donki絕不減價

Donki所推出的優惠少至有少，有網民不滿Donki管理層不懂變通，「壽司擺到唔賣得都唔減快手清哂佢」、「有時食完飯8、9點入去行下啲壽司擺到霉都唔減」、「佢夠膽死黑哂扔都唔益你」。雖然Donki期後已採取措施推行減價，最低只有8折，網民仍認為Aeon、百佳的壽司減價後的價錢更吸引。

4.Donki24小時經營不再是賣點

日本Donki最大賣點除了是便宜，就是24小時經營。不過香港Donki並不是每一間都是24小時！9間分店只有尖沙咀及銅鑼灣分店是24小時，已經失去Donki原本的風格。

5.Donki貨品好快到期

有網民指：「唔知係咁啱定係我多心，佢啲嘢8成都好快過期，有次買好多野返到屋企啲薯片醬油，睇真啲全部都係3-6個月。」有網民和應：「零食1-2個月都多呀」、「減價果啲係幾日就過期」。

6.Donki員工態度差

有網民指Donki員工的態度一向惡劣，「收個錢好似x咗佢全家咁」，不過也有網民為員工平反，認為員工的態度取決於人工，有前員工曾爆料，指在疫情期間Donki全員減薪，最低只有1.2萬，難怪間間分店員工態度都惡劣！

網民：疫情都賺夠！

根據以上幾點，雖然網民指：「Donki若果在未來收xx，都係自己攞嚟。」不過有網民認為Donki在疫情期間已經賺夠，即使現在全線結業，都穩賺離場。也有網民力撐Donki：「至少我去日本旅行唔駛再買Donki自家品牌，咁起碼幫我慳位。」