【Kodachrome Analog】D1 MILANO x Kodak夢幻聯乘！超玩味手錶！送一次性菲林相機

D1 Milano今次推出限量版Kodachrome Analog，就係同以製造菲林聞名於世的攝影器材公司Kodak聯乘。到底點解大家都覺得完全兩個世界嘅品牌，會作出咁破天荒嘅合作？以及呢隻Kodachrome Analog有幾特別？即刻睇睇！

撰文：海月｜圖片來源：D1 MILANO

【Kodachrome Analog】D1 MILANO X Kodak夢幻聯乘！超玩味手錶！送一次性菲林相機

早前Olympus宣布，退出經營了80多年相機事業，再次引起外界熱烈討論「對智能手機功能，是否開始令數碼相機市場萎縮」。的確，手機愈出功課愈強勁，加上現時新冠肺炎疫情關係，在家工作日漸普及。唔少人依靠智能手機處理事務，即時通訊的手機應用程式亦相當完善，人與人之間睇落要「溝通」好似係件輕易以舉嘅事。不過香港出名工時長，好多人都難以留時間同親友團聚。

「相機」同「手錶」，都係去記住美好時光嘅工具，所以今次意大利高級腕錶品牌D1 Milano，受革命性「Kodak Brownie Holiday Edition」相機啟發，同經典相機品牌Kodak聯乘，推出限量版Kodachrome Analog手錶。

Kodachrome Analog係根據Eastman Kodak公司於1935推出的首個彩色反轉片 (colour reversal film) 而命名，設計概念為向復古菲林相機輝煌歷史致敬。錶身採用黝黑聚碳酸酯，跟錶盤上紅、黃兩色形成強烈對比，既保留Kodak特色，亦展現出D1 MILANO活力一面！Kodachrome Analog配有金屬錶框，以及高達5ATM防水性能，手錶直徑40.5厘米，以PVD電鍍技術打外型，玻璃錶盤上顯示日期的位置裝嵌相機鏡頭使用嘅凸透鏡，有玩味之餘亦相當型格！