POP MART香港國際機場新店正式開業｜香港區獨家限定系列-「好耐冇叮」系列引爆潮流熱潮

相信各位潮流達人都對POP MART呢個潮流文化品牌唔陌生。較早前，POP MART就喺香港國際機場開設全新專門店， 除咗有 POP MART 全球搶購嘅各類潮流玩具、搪膠臉毛絨掛件系列之外，更首次公開發售具香港特色嘅MOLLY香港區獨家限定系列-「好耐冇叮」！

MOLLY Long Time No Ding好耐冇叮系列

整個「MOLLY Long Time No Ding好耐冇叮」系列以香港獨特文化為創作靈感，設計師將藍白水手服條紋同經常喺香港出沒嘅中華白海豚等象徵性元素融合，令整個系列都可以比到人一種舒適、平靜的時尚感覺。

機場專門店的特色體驗

除咗推出全新系列，專門店更以香港設計師Kenny Wong (王信明) 嘅代表IP「MOLLY」作爲設計主題。分店內設有充滿旅行感覺嘅MOLLY「幻想流浪記系列」自由行造型特大人偶，大家可以喺離境前同MOLLY打卡！

POP MART計劃進一步拓展香港市場

POP MART創始人王寧較早親身到香港國際機場主持新店開幕儀式。佢喺開幕禮致辭時表示：「香港作為POP MART的重要市場，我們希望通過這家機場店，進一步拉近與全球粉絲的距離，為旅途中的人們增添更多的樂趣與潮流體驗。」王寧亦表示機場專門店嘅開幕，不但標誌著POP MART喺香港市場嘅一個重要里程碑，亦體現咗POP MART喺全球擴展中嘅戰略布局，以打造IP嘅精神嚟經營店鋪，讓粉絲能夠感受到潮玩帶來嘅美好同創意。

王寧被問到喺香港開店計劃嘅時候，佢就透露更多香港門店在籌備當中，並表示今次機場專門店嘅開幕，進一步展示POP MART將會喺香港市場繼續穩步發展。

（資料由客戶提供）