被指「第三者」裕美反擊大爆料！直言：麥貝夷同翟威廉冇拍過拖

撰文：Lmc丨圖片：裕美＠IG、翟威廉＠IG、麥貝夷＠IG，Happy Live@Youtube丨編輯：海月

裕美：麥貝夷拉埋我落水

面對被指第三者，裕美相當生氣，她提到麥貝夷拉埋佢落水，引導傳媒嚟誤會，所以佢有責任講返兩句，發訊息俾佢要求佢喺社交網發文澄清。不過麥貝夷就回應「要講嘅都講晒」令裕美嬲上加嬲。

裕美撮合麥貝夷與林作好友Edmond Luk拍拖

另外，裕美提到2019年曾介紹男仔給麥貝夷識，此人是林作好友Edmond Luk，他們拍拖至上年尾才分開，所以麥貝夷同翟威廉冇拍過拖。裕美又講到其實麥貝夷同Edmond拍拖前後、拍拖期間都有上Happy Live唱歌。裕美同麥貝夷好close嗰陣曾經講過：同翟威廉只係『朋友』，唔會鍾意佢，亦冇提過兩人拍拖。

大爆麥貝夷難相處

麥貝夷與Edmond Luk拍拖期間，也有上Happy Live。裕美指睇唔過眼勸佢唔好咁對Edmond，怕佢會玩出火。她又指麥貝夷難相處，有佢講冇人講，又會成日自行幻想。更試過同佢一齊坐uber，司機見佢喺車上喊出於好意就請佢食糖，都有遞埋畀裕美食！點知麥貝夷諗多咗黑晒面兼發晒癲，以為對方想佔佢便宜，惡到不得了，成日覺得全世界嘅男人對佢都有企圖，真係要睇精神科醫生。

裕美指翟威廉：佢係坦誠嘅人

最後，裕美指翟威廉是坦誠嘅人，更直認自己單身7年係有性伴侶，唔會陰你。而佢同麥貝夷嘅關係兩人都心知肚明，所以今次裕美及翟威廉都笑咗，一致覺得麥貝夷有需要去睇醫生。另外，她又奉勸麥貝夷，指做女人不是叫男伴戴套進行性行為，就叫做識得保護自己，而係要確立同男方關係知道對方不愛自己，就不要再糾纏。