袁偉豪欲向網民一雪前恥！刻意晒六舊腹肌 網友：男人中佢都算煩
廣告
袁偉豪自與張寶兒拍拖結婚後一直被醜化，除了被網友恥笑是「張太」外，又指他是醜男、膠面。近日他欲一雪前恥，在社交網大晒六舊腹肌，睇睇咩事！
撰文：Lmc ｜圖片來源：袁偉豪＠IG｜編輯：海月
袁偉豪欲向網民一雪前恥
袁偉豪自與張寶兒認愛以來，一直受到不少抨擊，外界形容他升呢為「駙馬」。早前在《萬千星輝頒獎典禮2020》又被笑現殘樣、醜男，結果他打了千字文反擊網友，果然十分在意網友對他意見。
而早前袁偉豪接受《師父有請》節目訪問，他自認自己會抵不住頸會駁嘴，又為自己平反，他激氣表示：「層樓我唔使供㗎咩？我都要搵錢，我又要keep好個樣出嚟，點知又畀你班人話面膠、醜男。」
有感外表嚴重被負評，袁偉豪決定重操Body，近日貼出健身相，又留言講到：「今天收到了一份很代表到80’s年代的禮物⋯⋯就是六神合體， 多謝好朋友的心意 @madteeth86 #童年回憶 #六神合體 #農曆新年食多兩餐都仲keep到還未到六神合體。」相中見到他半裸大騷肌肉，露出結實腹肌。
袁偉豪圈中好友林子善留言支持兄弟：「你呢啲就係叫好基因，話咁快fit返晒。」袁偉豪又「謙虛」回覆：「但係我樣咁老，咁醜有鬼用咩？」
然後袁偉豪老婆張寶兒也留言：「不要讓別人無地自容吧。」兩公婆一唱一和，相當樂在其中。
不過樂在其中還樂在其中，即使袁偉豪今次晒腹肌，也未能討好網友，反而令網友覺得他更煩。網友留言講到：「點解要不停唔要面子咁刷存在感？好討厭」、「感覺佢已無了初出道的謙卑」、「不如直接即刻退休咬老軟吧!」、「男人老狗做到佢咁真係好煩！」其實網友的留言也不無道理，如此在意外間負評，不如默默鍛練演技似乎更有效，更能得到歡眾支持！
