港女搭港鐵夜歸遇高大黑人搭訕 對方做1行為嚇呆佢 最後發展係…

經常夜歸的女士要注意！近日有港女在Threads上發帖，表示自己日前在港鐵南昌站遇到1名黑人搭訕，所幸後來得到2位路人幫助才避過一劫。

驚悚夜遇與逃脫

事主於上周日（9日）在Threads上發佈帖文，當晚未到9點一個人搭東涌線回家，在南昌站下車後見到1名身高約190厘米的黑人男子對她搭訕，清晰地聽到他說「hi……angel……sweetie……haloooo……」，事主感到害怕而選擇忽略對方並試圖讓他先行搭扶手電梯離開。但當事主搭扶手電梯落下層時，竟然見到該男子站在電梯口位置，「落到去見到佢企咗係到等緊我咁」，令她倍感不安，她呆站在一邊亦不敢和男子有眼神接觸。所幸隨後有2名女生經過，事主馬上向她們求助「我問佢哋可唔可以扮識我，同我傾偈」，她們隨即答應幫忙並陪同事主走了一段路，直到該名男子離開現場。

事主提醒各位「女仔夜晚自己一個返屋企真係要小心！原來呢個世界真係有點危險，記得要搵人幫手！」，同時感謝2名女生「當時我真係好驚，手都震埋，多謝你哋陪我行咗段路，令到我可以撇甩個黑人。」

社區力量與安全建議

帖文隨即引起網民熱烈討論，不少網民留言提醒無論男女、日夜，只要獨自一人就應多加防範，「黑人又好，女人又好，不論日夜，自己一個出街就係要一眼關七唔好掛住玩電話」、「香港咁多人仲要地鐵站都咁，香港女仔唔好怕事，佢就係見有啲女仔唔敢出聲先咁」、「好似不斷都聽到有呢啲事發生，男女都應該要小心」、「唔好同人對視係真嘅，啲人會以為你對佢有意思」、「小心點，這個車站夜晚十分靜的」、「深水埗好多南亞人，你唔回應佢就得」、「深水埗大把黑人南亞裔越南人搭訕 香港女人 佢哋好多都係持行街紙假難民 成日想搵啲香港女人假結婚之後申請香港身份證，所以大家深水埗街坊要小心」。

另外，有網民建議向港鐵職員求助及報警「最好即刻打電話畀屋企人，再搵票務站職員，千祈唔好離開車站，有咩覺得危險可以即刻搭返地鐵，出咗車站會仲危險」、「喺MTR Mobile app裏便可以直接搵到每個車站嘅站長室電話」、「你可致電附近警局（可預先download警方個app），說明你感受到危險，等警察到來」。