大陸女嚟港短裙打卡被港媽鄙視 轟：港人太保守！狠評港女著衫2大點

內地網紅短裙打卡俾香港人鄙視！

近日唔少內地人都會嚟香港玩打卡等，一位內地網民就喺小紅書分享一篇嚟香港旅遊的文章，似乎唔多愉快。事源佢指自己喺香港街邊打卡影相時，竟然被一位香港大媽用鄙視的眼神「打量一番」。內地事主就表示自己影相從來都唔會有眼神躲避，自信心第一次受到「沉重的打擊」。依照內地事主po出的相嚟睇，似乎因為衣著較少布。內地事主仲話搞到佢之後旅遊嗰幾日都唔敢除外套，佢「美美的一套look就這樣浪費」。

內地事主指自己事後回想一下，自己喺內地完全無遇到過呢種狀況，無俾人咁樣用「鄙視的眼神打量一番」，雖然佢唔想以偏概全覺得全香港人都係咁，不過佢仍然覺得香港人似乎真係比較保守，話從佢哋平日的著衫風格同埋生活習慣就睇得出。

唔少內地網民認同：著背心人哋直接講普通話

此文一出引起不少內地網民熱討，大部分都表示認同，仲話自己著背心喺香港時，服務員都係直接同佢講普通話「我穿背心出去服務員都直接跟我說普通話，她們很矛盾又保守還顯得自己很牛一樣」「幾年前我在香港穿白色背心坐地鐵，後面有個男的說條北妹幾得下」「真的！我發現大陸女生去香港旅遊穿了吊帶貼子下面都會有香港人來說穿很露，我一度懷疑香港的穿衣自由還不如大陸」「對呀，我在香港穿了個背心加外套，露肚子而已，廣州很正常，在香港頻頻有人回頭，第2次去直接穿短袖長褲了，果然沒人打量我」有網民直接評論港人衣著比內地保守，著重舒服簡單，更指工人姐姐都無咁保守「香港人穿衣講究舒服簡單，你看街頭，大家都是休閒服飾加波鞋，好普通，如果是ol，衣服一看就很精緻。實際菲傭姐姐，還有南亞妹都比事主穿得更暴露」「香港都是黑白灰的顏色」

意見不一：喺香港著蕾絲吊帶都無事

亦有網民唔認同事主，覺得佢著成咁去到邊都有人望唔關香港事，又有網民認為係年紀問題，大媽自然係保守啲「你穿這樣去到那裡都有人打量，國外也一樣」「我在香港穿這樣反而被認為是本地，說實話我在內地從不敢這樣穿，在香港卻很放鬆」「上了年紀的人會這樣，但年輕人真的不會，很敢穿，怎麼大家都在罵香港」「還好吧，我在香港穿吊帶蕾絲都沒怎樣」「阿姨可能覺得這地方有什麼好拍」「本地人表示莫名其妙，香港女生很喜歡穿小背心」