【着Crop Top、Bra Top自信返晒嚟】4招令你有條馬甲線

香港真係好熱！喺條街企5分鐘已經要叫救命，啲汗忍唔住流出嚟同你打招呼。着背心已經唔可以令各位女生感覺涼快，男人就話可以脫去上衣啫，我哋女兒家大熱天時唯有忍到世界盡頭啦！不過咁，近幾季要多謝設計師為我哋帶嚟夏天孖寶：crop top同bra top。露出條小蠻腰，的確係涼好多。之但係着crop top嗰陣，露出嘅唔係小蠻腰，而係肚腩仔，咁咪大煞風景？所以而家就教下大家幾招，練條馬甲線返嚟，等自己露條小蠻腰都露得健康過人！

text-Swing（ig:nganshuwing）photo-互聯網圖片

第1招：手肘撐地板

前臂撐住地下，上臂同前臂要呈90度，腳尖貼地，將身體撐起，腹部收緊，身體呈一直線，整套動作維持1至2分鐘。

第2招：側身舉手

先側身瞓低，然後上半身與下半身離地，右手前臂撐地，上臂同前臂呈90度，左手往天花舉直，維持15至20秒，然後換邊。

第3招：小腹操

首先雙腳屈膝90度，雙手貼膊頭，上半身離地45度，咁為之1次。10次為1組，睇返自己能力，可做4至5組。

第4招：踩自行車

身體先瞓低，屈膝90度，再將左手手肘靠近右膝，手肘貼到膝蓋或超過膝蓋都得，換邊重複同樣動作，咁為之1次。10次為1組，睇返自己能力，可做5至6組。

內容延讀：