NIKE Free 2015 赤踝進化
喺現今講求緩震性、舒適度嘅跑鞋發展中，NIKE繼續証明「赤足」嘅存在價值，推出NIKE Free 2015，將3款Free底跑鞋再次升級，令大家喺追求自由（Free）之路上加速前進。
text – Lok（ig：loklokb1021） photo – Tung
NIKE Free 3.0 Flyknit 地面零距離
喺Free系列入面，數字越低代表鞋底越貼地，即係移動更靈活，感覺更赤足，NIKE Free 3.0 Flyknit擁有最舒適嘅Flyknit鞋面以及4毫米前後掌高度差，喺NIKE跑鞋中最能夠體驗自然步伐嘅鞋款。Free鞋底充分考慮到身體特點，令足部緊貼地面，因為資料顯示足部喺跑步時並非完全沿住直線軌跡，即使身體向前直線移動，雙腳接觸地面時都會略有側傾，而全新Free鞋底上嘅六邊形彎曲凹槽就可以提供全方位嘅靈活轉動，適應地面形狀，加上堅韌嘅Phylite泡棉能提供輕質緩震，著上NIKE Free 3.0 Flyknit就好似直接用雙腳跑步一樣，無拘無束，另外本人覺得呢款嘅Flyknit面pattern係Free系列中最靚嘅1款，重要超多配色，無論出街定跑步都一流。
NIKE Free 4.0 Flyknit 一體舒適
至於NIKE Free 4.0 Flyknit就比上一代更貼腳，鞋底靈活坑紋切割同貼地嘅圓腳踭設計都令雙腳非常舒適，一體成型嘅無縫Flyknit鞋面，高度緊貼跑者足形，同時提供良好支撐性，同時為足部帶來延展性、支撐性，鞋面採用比過去更加稀疏嘅編織方式，提高透氣性，可以話Flyknit同Free鞋底係相得益彰，完美演繹自然律動。至於前後掌高度差為6毫米，冇3.0咁接近地面，但相反就帶來更高緩震性，初入門不妨試試。
NIKE Free 5.0 赤足緩震
最後就係NIKE Free 5.0，呢對鞋可以喺赤足同緩震之間取得最大平衡嘅1對，冇用上Flyknit鞋面，改為加入Flywire飛線科技、無縫包邊以及輕質網眼鞋面，重量比之前更輕。再將鞋面減少層數提高舒適度，配合一片式鞋舌同前掌提高靈活性，以及提升整體透氣度以及支撐，種種設定都係為舒適而設，8毫米前後掌高度差亦係Free系列中最具緩震性嘅一款，輕度訓練者適用。
NIKE RUNNING EXPERIENCE STORE 銅鑼灣加寧街2號 2174 6938
ADIDAS BASKETBALL BROADWAY 有銀用
