2024巴黎奧運開幕被網民封「史上最差」5大原因表演內容鬆散又慳皮?
有網民在討論區中以「2024 奧運開幕應該係史上最垃圾既開幕」為題,當中又言「成場嘢都唔知做緊咩, 同香港啲夜繽紛冇乜分別。仲要整個濕X時裝表演,睇龍舟好X過睇佢。」引來不少網民共鳴,背後原因有三
2024巴黎奧運開幕禮|1.表演內容鬆散
網民指出表演內容鋪排鬆散,直播期間出現「一時影下運動員啲船,一時又影兩秒跳舞」看起來不連貫的情況,留言怒斥:「好似分開嚟做咁,我有我宣傳法國,我有我運送運動員」、「整係俾啲dancer出嚟跳跳跳,已經冇乜setting,又唔駛轉場」、「史上就唔知啦,近呢40年就真係最垃圾既開幕,沒有之一」、「下屆奧運我哋沙田搞」、「2008奧運開幕最震撼」
2024巴黎奧運開幕禮|2.過份強調政治正確
這次的巴黎奧運的舞台上,宣揚愛、平等、自由等的核心價值,因此與變性人、變性人、黑人有著密切關係,讓網民覺得過份強調政治正確:「左膠當道,過份強調大愛包容,頂唔順」、「變性人,黑人,肥人,女權,再隔籬嗰個係咩?」、「我覺得最接受唔到係3P,歐美係咪開放到一家大細可以傾3P嘅地步,呢啲睡房內嘅癖好,同奧運有咩關係」、「一味強調LGBT,只會令人反感」
![2024巴黎奧運 開幕 這次的巴黎奧運的舞台上,宣揚愛、平等、自由等等的核心價值(圖片來源:TVB直播截圖)](https://imgs.gotrip.hk/wp-content/uploads/2024/07/-2024-07-27-2.53.39_120028196466a4a3ac606b6-1024x559.png)
2024巴黎奧運開幕禮|3.表演水準未達到「奧運級」
最後網民認為這次巴黎奧運的表演無聊,與上幾屆的奧運相比差天共地,更留言指:「中學生話劇level」、「啲表演真係同香港嗰啲倒數活動差唔多,揾到lady gaga但個表演嘅鋪排佈置完全冇特色」 、「真係同香港d show差唔多級數」、「勁慳皮!啲船無裝飾過原隻直出,隻隻唔同,有啲成隻大飛都照出,無任何光影效果,燈都唔多枝,總結乜X都無」、「同12年英國比差好遠」、「沙田城門河都做到,唔明點解要捱眼瞓睇塞納河」
![2024巴黎奧運 開幕 網民指巴黎奧運開幕禮同12年英國比差好遠(圖片來源:YouTube)](https://imgs.gotrip.hk/wp-content/uploads/2024/07/-2024-07-27-3.59.17_28752221866a4a8d8b3600-1024x554.png)
2024巴黎奧運開幕禮|4.倒掛奧運5環旗
在開幕禮更發生2單烏龍事件,其中1單為在升起奧運五環旗時,升旗手居然把五環旗「上三下二」排列,上下顛倒變成「上二下三」。
![2024巴黎奧運 開幕 升旗手居然把五環旗「上三下二」排列,上下顛倒變成「上二下三(圖片來源:TVB截圖)](https://imgs.gotrip.hk/wp-content/uploads/2024/07/-2024-07-27-5.07.02_169367186966a4b8bca9d43-1024x537.png)
2024巴黎奧運開幕禮|5.誤把南韓國家名稱做北韓
而第二宗烏龍則為大會司儀,在韓國代表團遊船的時候,居然以法語及英語誤把南韓的國家名讀為北韓,引來韓國方面不滿。隨後國際奧委會(IOC)致歉:「我們為開幕禮上韓國代表進場時所犯錯誤深切致歉。」
![2024巴黎奧運 開幕 大會司儀以法語及英語,誤把南韓的國家名讀為北韓(圖片來源:TVB截圖)](https://imgs.gotrip.hk/wp-content/uploads/2024/07/-2024-07-27-5.13.53_159849326766a4ba566c96e-1024x567.png)
2024巴黎奧運開幕禮|網民平反:show off到法國出名嘅特色嘢
不過亦都有網民平反,認為這屆奧運非常精彩,令人更加了解法國的文化底蘊:「其實奧運開幕禮搞到咁盛大又有咩意思」、「我都覺得好好睇,啲表演好識show off法國出名嘅特色野」、「想講法國奧運開幕禮真係好精彩!好靚!好正!好藝術性!好文化!好現代,佢完全係將自己有嘅文化歷史藝術融合一齊,匯聚成為一個精彩絕倫嘅典禮」、「開幕禮將成個巴黎變咗做舞台,雖然無咗室內大舞台嘅震撼不過真係好靚,走勻晒巴黎啲名勝景點,文化底蘊強嘅國家係唔同啲,有好多故事講」、「斷頭嗰個畫面幾大膽,再接現場heavy matal live band表演都幾正」