當你想轉會支持第二隊嘅時候，不如諗下當初點解會撐佢
廣告
當你想轉會支持第二隊嘅時候，不如諗下當初點解會撐佢。
「阿仙奴今年又係淨喺識爭四，呢隊波無得救㗎喇！」阿迷呀強好憤怒咁同我講。
text-隆仔 photo-歐聯官方圖片、英超官方圖片
「咁起碼年年都有歐聯打呀…」作為曼迷嘅我只能夠咁樣安慰佢。
「我都喺轉會吧啦，捧車仔起碼唔使比人笑呀……」
「我又何嘗唔喺呀……其實你點解會鍾意阿仙奴？」
「嘩！講起就正，當年老豆睇阿仙奴，咁岩我無野做咪睇下有咩咁好睇囉，點知見到柏金個下神級轉身，就迷上左佢，跟住就場場跟老豆睇。之後發現呢隊波好勁，皮利斯、亨利、龍格堡……d地面進攻幾流暢呀……」
呀強愈講愈起勁，差d連艾迪巴約都攞埋黎丁。
「不過呢幾年又真喺差d既。」我認我喺一個hihi仔，想帶返佢黎殘酷嘅現實世界。
「都無計㗎，世界都不停咁轉，一隊波總唔會一路順風到尾嘅，One life one team呀嘛，佢差嘅時候你唔撐仲有邊個會撐呀？」
「咁咪即係盲撐？」
「咪鬧住黎撐囉！不過依家真係好垃圾㗎，你睇成班大帝又唔追波又無爭勝心，不過好在上場都叫贏左……」
雖然呀強口不斷鬧緊阿仙奴，但係心底裡都係愛佢，呢d咪叫做愛囉。
其實捧一隊波可以有千萬個唔同嘅理由：咁啱睇到利物浦歐聯神奇反勝、咁啱老豆鍾意曼聯所以自己又睇埋一份、咁啱同fd打winning個個用曼聯自己就拗頸用曼城……等等。要捧一隊波其實同撞鬼、拍拖一樣，要講緣份。
如果你係球隊低谷嘅時候離開咗佢，我諗應該喺你地有緣無份，你都喺唔好睇波喇，不如返屋企訓啦。
