劍神張家朗激戰意大利平手再平手最後成功奪金牌！戰後訪問大分享得勝秘訣

張家朗勇挫意大利 成功奪金！

張家朗決賽對戰意大利選手F.Macchi，2個互不退讓，2度落後，最後一節更落後2劍，但張家朗仍然非常穩，連追2分，其後14分平手再平手，再戰2局終於勇挫對手，成功奪金！

張家朗TVB訪問分享得勝秘訣「唔好放棄 記住自己為咩開始」

張家朗戰後接受TVB訪問，問到三次 「決一劍 」才正式奪金時，感激教練一直的教導，要將目標放在下一劍，要平伏心情。而被問到日前江旻憓先奪金是否成為強心針，張家朗表示絕對是強心針，自覺要做得更好。而今次父母親身到場睇奧運，記者問到上次東京奧運家朗將金牌送畀爸爸做生日禮物，今次家朗亦想將金牌送畀爸爸，希望在爸爸臉前無丟架。 再度奪金，心情是不敢相信，在法國主場地奪冠感受特別深刻，因為教練是法國人，感激對方心理上輔導。 最後張家朗自言得勝秘訣是「唔好放棄、堅持，記住自己為咩開始，就算有不如意的事，都要堅持到底 」

前輩李麗珊亦表示家朗面對的壓力、付出的努力，絕不容易，要放低上次金牌重新出發，再度衛冕，唔係輕輕講一句咁簡單，背後的自律、投入，絕不容易！

重溫劍神張家朗15：11秒挫日本飯村一輝

意大利隊「世界第一」馬連尼在16強意外出局，讓世界排名第3的張家朗在4強賽中避過了頭號強敵，改對上排名第9的日本新星飯村一輝。兩人此前僅在去年亞洲賽16強交手過，當時飯村一輝以15：9獲勝。

在這場奧運交鋒中，身高1.93米的張家朗開賽僅兩秒便先拔頭籌，但矮23厘米的飯村一輝迅速反應，連取4分反超。張家朗保持冷靜，隨後連取4分，將比分改為5：4。兩人在首節展開激烈對攻，張家朗雖在剩下一分鐘時仍落後9：10，但在最後12秒內連取4分，最終以15：11擊敗對手，成功連續兩屆晉級決賽，力爭金牌。網民睇完都表示身高真是好重要「先天優勢真係好重要」。