亞運會如箭在弦 細數項目港隊奪標在望
廣告
亞運會將於今年8月18號喺印尼舉行。身為香港人當然支持港隊，喺小編心目中認為最有機會奪標嘅賽事，自然係過往一直成績不俗嘅場地單車、游泳，以及滑浪風帆等項目，今次就同大家嚟個賽前檢閱！
（Presented By TISSOT）
亞運會港隊矚目賽事之一︰場地單車 與時間競賽
場地單車賽講求速度，係一項富有挑戰性嘅運動，相差些微秒數都足以改寫結果，所以比賽激烈程度足以令觀眾睇得熱血沸騰，而計時器都要夠精準，能夠反映1/ 1,000秒嘅成績！香港「女車神」李慧詩剛剛喺大馬亞洲場地單車錦標賽嘅女子凱林賽奪得佢個人今屆第三金，今年亞運會仲顆拍多位喺世界賽同樣有佳績嘅隊友，實力不容忽視，相信一定再為港奪牌！
亞運會港隊矚目賽事之二︰游泳項目 爭分奪秒
游泳項目同樣爭分奪秒，憑背後精準計時器支持，立分高下，非常刺激。呢項比賽亦係另一香港拎牌嘅希望，無論個人或接力賽，港隊過往成績亦相當不俗。今次雅加達亞運會，香港游泳代表泳隊派出多達33人參賽，多名曾喺上屆仁川亞運為港奪牌嘅泳手，如大家喜愛嘅歐鎧淳、施幸余等猛將，個個身經百戰，今屆亞運表現令人期待。
亞運會港隊矚目賽事之三︰乘風而行 把握時間節奏
滑浪風帆講求把握時間節奏、風向同策略運用。呢個香港傳統強項，早在1982年港隊已派選手參加，回顧過去8屆亞運會均奪得獎項。就上屆仁川亞運就袋走2金2銀嘅佳績，大熱獎牌希望嘅陳晞文及鄭國輝之前參加熱身賽狀態大勇，為征戰亞運打下強心針。
精準計時決定亞運會每場賽果
你又覺得港隊邊項賽事最有機會奪牌呢？以上小編嘅心水賽事，每場決定勝嘅一刻，均由時間成就賽果，所以精準無比嘅計時服務非常重要。今年TISSOT繼續為亞運會擔任官方指定計時，更特別為今屆亞運會推出3款特別版腕錶，展現超凡計時功能外，亦加入100米防水功能，造型設計具個性又型格，再襯上底蓋為亞運會標誌，增添收藏價值。
