「麥花臣跨時代」 本地籃壇盛典
廣告
麥花臣場館，1個屬於香港仔嘅籃球聖地，於1952年落成，服務市民超過半世紀至2009年拆卸重建，2013年重新投入服務。對香港籃球迷嚟講，呢度一定係本地籃壇最有代表性嘅地方，無數傳奇、創舉、經典賽事、球星都係喺度誕生，亦陪住好多代人一齊成長。
text – Lok（ig：loklokb1021） photo – ShotCourt Photography
由朝玩到晚
為咗鼓勵新一代青少年同支持社區發展，上星期油尖旺民政事務署及油尖旺區青年活動委員會就聯同香港籃球總會、夢想基金會、夢想體育訓練學院、東方籃球隊、油尖旺校展會，舉辦「麥花臣跨時代」明星籃球關愛邀請賽。同大家由朝玩到晚，活動分朝早同晚上兩part，上半場先睇睇籃球鞋同籃球Figure展覽，一啲社區青年綜合表演同抽獎。
去到戲肉下半場，先有東方大戰學校聯隊、Nuts大戰「麥花臣夢想明星隊」兩場重點戲碼，再有吳浩康、C AllStar、狂舞派等載歌載舞，中場追加天才小球星Isaac Cheng嘅花式籃球表演引起高潮，令全場籃球迷重拾對麥花臣嘅愛戴，相信大家都好enjoy呢個籃壇盛典。
