《潮流合夥人》陳偉霆對波鞋要$81萬？！ 拆解Nike Air Mag成神作原因
撰文：Easy｜圖片：《潮流合夥人》、電影截圖
《潮流合夥人》陳偉霆對Nike Air Mag要$81萬？！
《潮流合夥人》中陳偉霆所拎出嘅Nike Air Mag，較年青一代嘅潮流人可能未必知佢嘅底細，呢對鞋其實係1989年時，Nike設計師Tinker Hatfield被邀為電影神檯級電影《回到未來》續集所設計出嘅概念鞋款，戲中講述Nike Air Mag為未來概念波鞋，於2015年誕生，備有自動綁鞋帶系統，當年於電影中出現，立刻成為唔少人嘅dream sneakers。陳偉霆喺《潮流合夥人》中一拎出呢對Nike Air Mag，連有錢女周揚青都十分驚訝。
《回到未來》電影的男主角Michael J. Fox好不幸喺90年代初診斷出會患上帕金森氏症，為引起大家對呢個疾病嘅關注，於是創立基金會Michael J. Fox Foundation，支援帕金森氏症科學研究。而2011年首次推出Nike Air Mag，限量1510對，當年只限於eBay競標，而所有收益全數交由Michael J. Fox基金會作為慈善用途，當年最後平均一對以約2.87萬港元售出。
Nike Air Mag喺2016年再次發售，今次全球限量89對，而且只有男裝US 7、9、11、13尺碼，有85對喺Nike官網進行捐款，想買嘅人需要至少捐出美金$10，即可獲得一次抽籤資格，所得款項全數同樣交俾Michael J. Fox基金會。而其餘嗰4對分別喺香港、倫敦、紐約以慈善拍賣會競標形式出售，消息指香港對Nike Air Mag最終以港幣$81萬賣出。又限量，背後又有咁大故事support，呢對Nike Air Mag點可以唔係天價發售！不過$81萬對陳偉霆嚟講，真係濕濕碎啦！
有甚麼波鞋推薦？
不論男女波鞋都是大家每天襯衫必備的單品之一，白波鞋更是百搭之選，必買10大易襯白波鞋，輕鬆carry每個造型！香港天氣變幻莫測，唔想濕住腳行街，一對Gore-Tex防水波鞋會是必然之選，若然唔好彩弄髒波鞋，即用這6招洗波鞋方法幫波鞋還原靚樣！
如何揀一對適合自己的波鞋？
揀鞋當然要揀一對啱size的鞋，的確很多人經常入錯波鞋size，以下就為大家綜合15款大熱波鞋size攻略，幫大家選擇最佳尺碼。除了尺碼，波鞋的性能也很重要，消委會測試了 11款防水行山鞋，大家不妨參考一下當中款式的優劣之處。最後當然是款式，最新New Balance復古經典鞋款再來襲，身為潮流達人的你快入手一對吧！
