嚴選10大日本人最愛波鞋 最受歡迎竟然係…？！

波鞋
CentralEditor_NM

廣告

喺香港，落到旺角尖咀又或者銅鑼灣呢類潮點，最多潮人着嘅波鞋離不開NIKE同adidas，亦係近年當炒品牌，個個都走去追同一款鞋其實都幾悶，雖然話韓流當扎，但唔少人依然追捧日本潮流，咁究竟日本嘅波鞋文化同我哋爭幾遠？最鍾意搞埋啲無厘頭投票排行榜嘅日本網站Goo Ranking就搞咗個「日本人最愛買嘅運動休閒鞋品牌」投票，原來10大日本人最愛波鞋竟然係…？？

唔知可唔可靠，但大部分都有星撐就知唔簡單，更佔半係木村拓哉着用波鞋！

text-Jer (ig:Jeraldli) photo-網上圖片

 

睇睇10大日本人最愛波鞋中，木村拓哉着用波鞋佔幾多？

10. Superga

被譽為意大利國民鞋牌，Superga其實早幾年已經登陸香港，但真正活躍就要數近排，即使喺街上亦見到唔少人開始着用，其中以低筒款式2750最為經典，而日本最受歡迎男團－嵐亦有着用示範。

 

9. Patrick

法國品牌Patrick可能香港冇咩人識，但行過日本ABC-Mart都一定認得佢，喺日本咁受歡迎嘅或者係因為日本版嘅Patrick係真係日本製造，唔係配個日本限定色就算。

8.Onitsuka/ASICS Tiger

話晒都日本本土運動工業嘅始祖，Onitsuka/ASICS Tiger榜上有名我一啲都唔意外，其實唔少㗎星都有着用，但最深入民心嘅當然係《男兒當入樽》三井壽着用嘅TBF707。

 

7.Reebok

近年Reebok因為Pump Fury喺香港大紅大紫，但其實日本一直非常鍾情Alien Stomper、Classic Leather等款式，而Reebok嘅最佳演繹一定係水原希子，你睇佢着住對Freestyle，即刻想買啦！

 

6.VANS

日本人不嬲崇尚美國文化，VANS呢啲喺美國街頭文代咁重份量嘅品牌點會冇，木村拓哉表示佢都好鍾意，連tee都要着。

5.PUMA

連Mihara Yasuhiro都要搵佢搞collaboration，其實日本時裝友係鍾意PUMA嘅。

 

4. adidas

其實去到呢度已經唔駛我講點解，因為連香港人都好鍾意，不過你未必知道原來木村都着過Superstar，另外我個人最喜歡嘅都係《東京暴族2》入面哈西姆嘅着用示範。

 

3. New Balance

又係木村，原來佢喺電視劇《CHANGE》入面就係着New Balance 992，話晒佢個角色都係一位首相，自然要着被稱為「總統跑鞋」嘅New Balance，喂！溫總都係着992喎。

2. NIKE

NIKE喎！AJ喎！Fragment喎！木村喎！藤原浩喎！重問！

 

1. Converse

第一位唔知有冇超出大家想像？但其實Converse喺日本真係神級，又平又百搭啱晒愛穿搭嘅日本人，須知道佢哋唔會將全副身家投資落對鞋度而忽略其他部分，係咁易都要講吓木村着到紅嘅One Star啦，因為今年開始復刻，其次當然係近排同fragment嘅CONS合作，斷晒碼喇，唔使搵喇。

 

內容延讀：

>紅爆17 App 5大女神你要follow

>下半年出場！10對唔買會自責嘅AIR JORDAN 30週年

有甚麼波鞋推薦？

不論男女波鞋都是大家每天襯衫必備的單品之一，白波鞋更是百搭之選，必買10大易襯白波鞋，輕鬆carry每個造型！香港天氣變幻莫測，唔想濕住腳行街，一對Gore-Tex防水波鞋會是必然之選，若然唔好彩弄髒波鞋，即用這6招洗波鞋方法幫波鞋還原靚樣！

如何揀一對適合自己的波鞋？

揀鞋當然要揀一對啱size的鞋，的確很多人經常入錯波鞋size，以下就為大家綜合15款大熱波鞋size攻略，幫大家選擇最佳尺碼。除了尺碼，波鞋的性能也很重要，消委會測試了 11款防水行山鞋，大家不妨參考一下當中款式的優劣之處。最後當然是款式，最新New Balance復古經典鞋款再來襲，身為潮流達人的你快入手一對吧！

There are 4 comments

Add yours

Comments are closed.

最高人氣 TOP 5