4大換「摺機」嘅理由！Samsung Galaxy Z Flip4 Fold4使用體驗分享

Samsung 產品
Kelly

廣告

Samsung最近推出嘅Galaxy Z Flip4、Fold4雖然大受好評，但仍然有唔少網民對「摺機」有唔少憂慮，始終「摺機」喺日常生活中可能比較少見，使用感受等都未太清楚自己適唔適合。以下就由小編向大家講解換「摺機」嘅4大原因！了解完排解你對「摺機」嘅疑問之後，可能反而更加吸引你！
Samsung Samsung最近推出嘅Galaxy Z Flip4、Fold4雖然大受好評。
Samsung最近推出嘅Galaxy Z Flip4、Fold4雖然大受好評。（圖片來源：Samsung 官網截圖）

1.自拍更加靚

影低自己個靚靚樣可能好多人每日都會做，但通常自拍都用前置鏡頭，而前置鏡頭往往都比後置鏡頭低清，影出嚟嘅相都無咁靚！而Galaxy Z Flip4、Fold4自拍就可以用主鏡頭，尤其喺低光嘅情況下，前鏡頭嘅拍攝能力一定無後置鏡頭嘅強勁，呢點都係其他直身手機難以做到。

Samsung Galaxy Z Flip4、Fold4自拍就可以用主鏡頭。
Galaxy Z Flip4、Fold4自拍就可以用主鏡頭。（圖片來源：Samsung 官網截圖）
Samsung 喺低光自拍嘅情況下，主鏡頭明顯更加靚。
喺低光自拍嘅情況下，主鏡頭明顯更加靚。（圖片來源：Samsung 官網截圖）

2. 外型輕便又耐用

Galaxy Z Flip4、Fold4比起一般電話雖然厚身一啲，但因為可以摺埋嘅關係，摺起就好似一個粉盒嘅大細，攜帶非常方便，特別係女仔有時手袋嘅容量唔大，細細個放入袋就啱啱好。另一個關於摺機嘅「鉸位」問題都好多人關注，而呢個問題原來上代就已夠無用家反映會壞嘅情況，今代有再加強鉸位，所以鉸位可以話十分實淨。

Samsung 摺起就好似一個粉盒嘅大細，攜帶非常方便，特別係女仔有時手袋嘅容量唔大，細細個放入袋就啱啱好。
摺起就好似一個粉盒嘅大細，攜帶非常方便，特別係女仔有時手袋嘅容量唔大，細細個放入袋就啱啱好。（圖片來源：Samsung 官網截圖）

3. 外螢幕可以個人化DIY

外螢幕可以自己加widgets，仲可以自己DIY個人背景，隨心所欲咁將自己部手機打造自己鍾意嘅style！而且可以用外螢幕睇YouTube、打機，仲可以用嚟WhatsApp錄音，更加唔止咁簡單！外螢幕仲有唔少玩法等大家發掘。

Samsung 外螢幕可以自己加widgets，仲可以自己DIY個人背景。
外螢幕可以自己加widgets，仲可以自己DIY個人背景。（圖片來源：Samsung 官網截圖）

4. 價錢問題

有唔少網民認為「摺機」嘅價錢定價太高，例如Z Fold4嘅定價就超過港元$15000，雖然單單睇價錢可以會嚇親唔少人，但其實Z Fold4嘅定位並唔喺一部電話咁簡單，仲係一部可以摺疊嘅平板電腦，用佢嚟打文件或者速記會比起用普通電話方便好多，所以價錢值唔值，就睇你點使用佢啦！

Samsung Z Fold4嘅定位並唔喺一部電話咁簡單，仲係一部可以摺疊嘅平板電腦。
Z Fold4嘅定位並唔喺一部電話咁簡單，仲係一部可以摺疊嘅平板電腦。（圖片來源：Samsung 官網截圖）

今年Samsung發佈會，推出了什麼新產品？

Samsung舉行了Samsung新品發佈會2023，推出了令一眾用家十分期待的GalaxyS23系列及Galaxy S23 Ultra系列，今次仲推出咗兩款新電腦產品Galaxy Book3系列…

今年推出的S23系列有什麼特色？

全新Galaxy S23系列，將會搭載高通（Qualcomm）最新且專為Samsung去定制的Snapdragon 8 Gen 2 Mobile Platform for Galaxy處理器。令 Galaxy S系列的整體效能有所提升，S23 Ultra的GPU和NPU都比S22系列快40%以上；S23 更具備了完美自拍及錄影快速自動對焦和 Galaxy Super HDR 自拍鏡頭，令整體快門速度提升，用家可拍攝比上一代更清晰的自拍照片和影片…想知更多即睇Samsung S23 定價、發售日和預訂時間：更多詳情

圖片來源：Samsung 官網截圖

最高人氣 TOP 5