Samsung揚言成為下個潮流指標！ 計劃研發捲曲、伸縮熒幕手機
廣告
Samsung上月推出嘅兩部新款摺機 Galaxy Z Fold4 同 Flip4 嘅反應都非常良好，有見及此，公司正打算研發可以捲曲螢幕或係可以伸縮螢幕嘅新型手機，並揚言稱將會成為引領智能手機界嘅潮流指標。
三星副社長透露正研發新概念手機
9月3日喺德國柏林舉行嘅國際消費電子展中，三星嘅電子 MX 事業部戰略產品開發組組長、副社長崔元俊就公開表示 Samsung 正處於研發新概念智能手機，並透露「摺機」將會變成市場嘅主流，而三星嘅下一個智能手機潮流指標就係可以捲曲同伸縮螢幕嘅新型概念智能手機。
三星嘅「折疊」手機技術成熟
崔元俊亦有表示三星嘅最新可折疊組合採用咗先進嘅技術，可以令顯示屏更大之外仲更加輕薄，並喺保持性能嘅情況下將組件嘅使用量減少咗60%。由於 Galaxy Z Fold4 同 Flip4 嘅市場反應都十分良好，所以三星目前會注重於升級可折疊手機嘅用戶體驗上。
「折疊」手機將成為主流
崔元俊指出可折疊手機喺過去嘅三年內就已經售出超過 1000 萬部，將成為手機界嘅一大突破，而三星公司嘅智能手機製造商預計，到2025年可折疊手機會成為三星旗艦手機銷量嘅一半。
今年Samsung發佈會，推出了什麼新產品？
Samsung舉行了Samsung新品發佈會2023，推出了令一眾用家十分期待的GalaxyS23系列及Galaxy S23 Ultra系列，今次仲推出咗兩款新電腦產品Galaxy Book3系列…
今年推出的S23系列有什麼特色？
全新Galaxy S23系列，將會搭載高通（Qualcomm）最新且專為Samsung去定制的Snapdragon 8 Gen 2 Mobile Platform for Galaxy處理器。令 Galaxy S系列的整體效能有所提升，S23 Ultra的GPU和NPU都比S22系列快40%以上；S23 更具備了完美自拍及錄影快速自動對焦和 Galaxy Super HDR 自拍鏡頭，令整體快門速度提升，用家可拍攝比上一代更清晰的自拍照片和影片…想知更多即睇Samsung S23 定價、發售日和預訂時間：更多詳情
圖片來源：三星 官網截圖
