兩性關係︳3種男人幾靚仔都要遇到即避！慘過中渣男
廣告
《志明與春嬌》有云「人一生總會愛上幾個人渣」，相信唔少女性都會怕自己愛上花心渣男，搞到愛情之路唔順暢。其實除咗花心渣男之外，以下3種性格的男性記得要切勿迴避，分分鐘仲衰過渣男，真係幾靚仔都搞唔掂！
1. 性格偏激嘅男人
如果不幸地同咗性格偏激嘅男人一齊，拍拖就好似拖住一個定時炸彈一樣，永遠唔知佢幾時會爆發！根本唔知理解邊件事令到佢唔滿意、邊句說話得罪咗佢。加上呢種男人喜怒無常，開心就氹你，唔開心嘅話隨時傷害妳，冷暴力、甚至係家暴都最有可能喺呢種性格的男人身上發生！
2. 永不知足嘅男人
呢種男人係你無論為佢付出咗幾多，佢都唔會滿足，永遠只會覺得妳付出得唔夠多，永遠唔會記住妳嘅好，亦唔會覺得自己有錯，最後只會將錯誤推落你身上，變本加厲、得寸進尺。
3. 老實嘅男人
成日話老實男人好，老實男人比人嘅感覺的確好坦誠、好乖，相對渣男係的確幾好，但其實並唔一定適合每一個人。老實男人雖然老實憨厚，但如果有事發生，佢哋通常乜都唔講，拒絕溝通，逃避現實，寧願冷戰。就算真係開到佢哋把口，佢哋講嘢都會非常直接，而因為太真實太難聽搞到人非常傷心。雖然佢哋的屋企人同朋友會覺得佢地好可靠，但身為伴侶就要諗一諗自己適唔適合呢類型，唔係真係有苦難言。
遇上心儀對象要點追？
唔同女仔追求嘅方式都唔同，如果用錯方法就可能食「檸檬」，熟讀媾女攻略令你事半功倍！如果女生唔想太主動，在心儀對象面前散發出女人魅力，自然能俘虜男神的心。最後要開始一段戀情，當然唔少得表白，切勿犯了這幾個表白禁忌，令你前功盡廢！
如何保持戀情熱度？
情侶的關係是雙向的，不論男女都應學識這套「情侶相處十二式」。情侶拍拖時亦可以互相做一些情侶間甜蜜小行為，為關係保持新鮮感。當然一段感情沒有可能永遠都處於熱戀期，想分清男朋友是愛你還是鍾意你，即從這5件事分辨出來！
圖片來源：劇集《夫妻的世界》劇照, 劇集《Link：盡情吃，用力愛》劇照, 劇集《二十五，二十一》劇照
