兩性關係︳好馬愛吃回頭草？即睇分手後Ex復合4大目的！
廣告
戀愛中總會有離離合合，有時可能因為一時衝動，有時又可能因為TIMING問題，總有唔同的原因。亦有啲情侶可以無限復合？而正所謂「好馬不吃回頭草」，咁點解分咗手仲會復合？一文睇清常見EX分手後要求復合的4大目的！
兩性關係︳1. 一時衝動後悔了！
有時分手唔一定真係經過深思熟慮，可能只係一時衝動！可能當下當你有爭執，氣上心頭，就衝口而出講咗分手。事後冷靜落嚟之後簡直係後悔不己，就唯有要求復合。所以成日見到有啲情侶離離合合，離得快又合得快，就通常因為咁，復合無限loop！
兩性關係︳2.做生不如做熟
人係一個有慣性同惰性的生物，同另一半一齊耐咗就好難去搣甩對方。好多時分手後生活上感到不適合後，就忍唔住搵返對方。又或者遇到新對象時，總係覺得新不如舊，正所謂「做生不如做熟」自然喜歡搵返ex復合。所謂復合原因可能唔係因為太愛你，只係因為搵唔新而又啱。
兩性關係︳3.人總是犯賤！就係忘記唔到你
眾所週知是因為人係犯賤的動物，分咗手有時都係忍唔住手睇吓前度的FACEBOOK或IG動態，睇睇吓自自然然就掛住，掛住就自自然然就搵對方，復合最大原因都係因為忘記唔到啦！
兩性關係︳4. 你過得比我好 我就是不爽
分手之後發現對方竟然過得快活又比自己好，就好容易令人衍生出一個妒忌又不爽的心態！有啲人非常愛享受爭奪勝利的快感，仲要尤其當前度已經跳出空窗期，而自己仲係空窗期時，再加上自己寂寞難耐，就會復燃的念頭。所以復合原因並唔係因為還是深愛著你，只係所謂「爭返嚟嘅嘢特別好食」。呢種寂寞感一出現，就會無時無刻咁存在，前度搵得你復合，佢更有可能會因為寂寞感搵另一個人。
遇上心儀對象要點追？
唔同女仔追求嘅方式都唔同，如果用錯方法就可能食「檸檬」，熟讀媾女攻略令你事半功倍！如果女生唔想太主動，在心儀對象面前散發出女人魅力，自然能俘虜男神的心。最後要開始一段戀情，當然唔少得表白，切勿犯了這幾個表白禁忌，令你前功盡廢！
如何保持戀情熱度？
情侶的關係是雙向的，不論男女都應學識這套「情侶相處十二式」。情侶拍拖時亦可以互相做一些情侶間甜蜜小行為，為關係保持新鮮感。當然一段感情沒有可能永遠都處於熱戀期，想分清男朋友是愛你還是鍾意你，即從這5件事分辨出來！
圖片來源：《前度》、《喜歡的話請響鈴》、《無法抗拒的他》
