Dear Jane新歌被連登仔質疑用AI作出嚟 封「香港五月天」粉絲力撐
廣告
樂隊Dear Jane由主唱黃天翱（Tim）、吉他手翁厚樑（Howie）、低音吉他手伍漢邦（Jackal）以及鼓手黎俊華（Nice）組成。Dear Jane最出名一定係佢哋的情歌如愛情三部曲《哪裡只得我共你》、《只知感覺失了蹤》、《經過一些秋與冬》等。今年Dear Jane都推出咗唔少好聽的歌曲，而嚟到年底（5日）再嚟一擊推出新歌《為何嚴重到這樣》，點知連登仔竟然質疑歌曲係Ai整出嚟？
Dear Jane︳新歌《為何嚴重到這樣》超高質情歌
Dear Jane年底再嚟一擊推出新歌《為何嚴重到這樣》15小時已經上咗youtube熱門，粉絲個個留言大讚唱出心聲，歌詞有故事，mv拍得勁好睇，簡直係超高質情歌！「好想講多謝Dear Jane都仍然會出首年度級情歌。我始終需要情歌，好彩有DJ」「多謝Dear Jane, 高質情歌，好像唱出我的情況，太動人。謝謝你們」「阿珍好鍾意年尾出靚歌，loop左好多次宜家終於睇到mv，一如既往咁好聽高質」「說中了我最近的心情」
一齊聽歌：
Dear Jane︳連登仔：罐頭Jane
雖然個個大讚，但愛唱反調的連登仔就力踩，指Dear Jane出罐頭歌，仲質疑係咪AI作，近期啲歌好似一式一樣咁！「又係呢類歌，啲音調，音色，高低起伏位好似首首一樣」「啲歌萬年一樣 冇啲新意」「dj 捉公式真係捉得好準，呢首似又會hit」「罐頭Jane」「罐頭界代表」「香港五月天」
Dear Jane︳網民力撐怪就怪歌迷啦！
不過都有網民力撐，認為呢啲係Dear Jane風格，而且呢種歌又受歡迎佢哋都無辦法「呢啲野鍾意咪叫風格，唔鍾意就叫千篇一律」「香港人最愛 佢哋自己都訪問講過 話作過一啲佢哋覺得更有意思嘅歌 但香港人完全唔鍾意 根本唔受歡迎結果作呢啲罐頭歌 就紅到」「冇計 啲人唔鍾意 佢地咪要寫罐頭野搵食」「唔好怪佢地DJ間中都會出首唔係咁嘅歌，下場係唔會紅，怪就怪歌迷啦。」「冇計，個文化極限就係咁」
