COLLAR新歌《idc》粉絲勁失望：最差呢首 狂數3宗罪！
廣告
COLLAR自蘇芷晴（So Ching）退團後，從此由8變7。經過一輪沉澱後，COLLAR終於有新團歌《idc》！《idc》今次重本製造，特意成隊COLLAR去日本拍mv，近日亦在官方IG晒出各人造型照。終於今日終於youtube、各大平台上架，不過今次唔少粉絲都留言表示失望？！
COLLAR新歌《idc》被狠批好嘈狂數3宗罪
COLLAR今次首次7人團歌《idc》，係特意飛往日本拍攝，等到粉絲頸都長，終於等到新歌上架，點知就負評多多，狂數3宗罪！1.有唔少網民留言指新團歌《idc》「好嘈」、淨聽ig頭幾秒已經頂唔順、比較鍾意好似never never land嘅曲風、大感失望等「成首歌淨係覺得好嘈」「想講未聽過首歌 第一句尖叫嚇親」「希望之後會有返類似never never land嘅曲風，呢種曲風真係搞唔掂…」「歌嚟講最差呢首，等咗咁耐有少少失望」「本身無開聲碌過睇到啲舞覺得都ok，開完聲x左出聲，點解咁難聽，音樂同舞又唔夾」2. COLLAR經常行型格風都係網民不滿之一，認為直頭係浪費成員青春「次次都局住蘇媽糖糖DayDay玩型格風、唔好嘥佢地青春啦唔該」「開始明點解Soching要退團，呢隊野真係攪唔掂」3. 亦有網民留意到winka不斷企c位，不滿viutv想力捧winka「Winka唔好企中間」「咩事 pre拍拖 係咁 C位」「超有型」
一齊睇吓IG預告：
粉絲：COLLAR強勢回歸！洗腦神曲
當然都有唔少粉絲都大讚新團歌正「支持COLLAR！《idc》好好聽」「MV超高質！！！首歌態度同造型好夾 超正！！！好想可以快啲睇到dance version COLLAR強勢回歸了」「去日本出job果然大家都精神咗，加油」「collar好曳 造型好好睇」「超正，洗腦神曲，哩啲風格Collar都carry到，成功展現越來越多面向俾觀眾，加油」
