Chill Club推介榜年度推介21/22｜許廷鏗演唱《修羅場》現怪聲 粉絲：唱得咁好，好可惜！
廣告
《Chill Club 推介榜年度推介21/22》於昨晚完成音樂頒獎典禮，當中有唔少插曲，除咗「關心賢」事件外，就係許廷鏗演唱《修羅場》時發生的事故，令許廷鏗事後忍唔住於IG放負，粉絲都為許廷鏗感到好唔抵！
許廷鏗演唱時出現怪聲
《Chill Club 推介榜年度推介21/22》於昨晚8旳開始直播音樂頒獎典禮，直播時時常出現小插曲，而昨晚許廷鏗演唱《修羅場》時亦發生問題，許廷鏗一邊落力演出，一邊不斷聽到「睇整體架」、「成件事好正」、「Keep going」，搞到埸面一度尷尬，原來事源係工作人員唔記得熄咪，導致對話流出，不過許廷鏗完全無受影響繼續落力表演。
IG：真係有小小唔開心！
許廷鏗事後於IG限時動態以及出post放負。佢於限時動態表示睇返直播之後「真係有小小唔開心」，不過唔係想責怪啲咩只係認為花咗心機時間去彩排演出，盡咗力所以失落，希望可以做到盡善盡美，觀眾可以盡情享受。唔少粉絲見到都安慰許廷鏗，指佢非常專業「其實都幾慘，應該每一個歌手都好珍惜上台表演嘅機會，好想做好個performance」「老實講 近年男歌手牙醫唱live都一定有Top3，修羅場今次真係唱得幾穩」「牙醫，你唱得好好呀，想搵你洗牙」「佢唱Live真係一直都好穩」「Alfred 唔好唔開心喇，大家都見到你嘅努力，希望 viu 救到，可以放返個正常cut出嚟」
重溫許廷鏗表演欣賞：
圖片來源：ig＠hui_alfred, lihkg討論區截圖, viutv截圖資料或影片來源：youtube＠Anita Chan
