陳蕾演唱會被周啟生點名狠批網民力撐無問題原來豹哥堅持拒用科技執聲！

在香港樂壇，陳蕾（Panther）憑藉著她的才華和努力，從2009年參加《亞洲星光大道》開始，逐漸在音樂界闖出了自己的一片天。今年更是憑藉實力勇奪「叱咤樂壇女歌手」金獎，並於紅館舉行了她生涯中的首次演唱會《念》，連開四場，成績斐然。然而，正當她事業如日中天之際，樂壇前輩周啟生卻在社交媒體上發文，對她的現場表現提出了嚴厲的批評！

周啟生點名狠評陳蕾現場表現：離晒譜咁走音

周啟生表示，他在朋友的分享下，觀看了陳蕾的演唱會片段，直言其現場演唱「離晒譜咁走音」，並對她的吉他彈奏技巧提出質疑「彈結他甩皮甩骨」。周啟生指之前有聽過陳蕾的歌，無論是音樂、歌詞、唱歌都是合格的水準，但今次演唱會的表現令佢大感驚訝！其後有不少網民留言，周啟生亦一一回覆「作為一個歌手，水平唔夠，唔係歌手嘅問題，係邊個嘅問題？」「其實真相係：唱片製作完全造假，美化歌手，電視現場live音樂會，倚賴大量後期修改美化工程，只會令到歌手水平下降。一次現場，是人是鬼，無所遁形！」有網民指「我仲以為自己耳仔有問題」，周啟生更回覆再踩陳蕾不停地叫「我都覺得我耳仔有問題，我淨係聽到佢叫啫！不停咁叫！」有網民認為自彈自唱不是容易的事，而周啟生更回應「唔得就唔好勉強，聽歌嘅人唔係全部都傻㗎」

網民力撐陳蕾表現屬香港頂尖水平

這番直言不諱的批評引發了網民的熱烈討論，意見分歧。不少網友站出來力挺陳蕾，認為她的現場表現屬於香港頂尖水平，對周啟生的批評表示不認同「其實咩事？？點解可以講到咁差，琴晚睇嚟講喺香港都算top tier喎」「當年盧巧音同謝安琪都有試過唱Live走晒音，睇過王菲紅館幾場，都走過唔小音」「而家仲有幾多個女歌手現場唱到咁？」「我印象中過往喜歡過的歌手開始紅時都被人評彈」

網民：咁樣公開話一個後輩好肉酸

而有網民更指周啟生的批評似足「老屎忽」！「睇comments我淨係睇到一班圍爐既老屎忽「前輩話你係袋錢落你袋呀！」個種，見到都打冷震」「又俾游學修講中，而家開始多咗人踩陳蕾啦」「逢紅必反」「其實咁樣公開話一個後輩好肉酸，如果係我作為一個前輩私底下可以善意提點點樣可以做好啲唔係公開踩/哈哈哈去嘲笑，知名度同影響力唔係咁樣用。」

不過都有人認為周啟生有資格作批評「身為前輩你絕對有資格批評，講出黎亦係好事，事主可以改進技巧，fans可以認清事實，而家就係太多人不敢言了。」