陳奕迅演唱會丨Eason《黃金時代》唱功震驚連登仔：真正用作品說話(有片)
廣告
一連25場的陳奕迅Eason《FEAR AND DREAMS演唱會》相隔9年星期5正式開騷。Eason喺開售前席雖然有唔少負評，但仍然賣到要加場再加場，到現今騷後，Eason YouTube Channel放上演唱會的片段，歌聲再次震撼歌迷，就連當初最「企硬」的連登仔，都要喺討論區出post高呼「Eason今晚首黃金時代係咪痴線？」
ENCORE片出爐即上熱門
陳奕迅Eason出名實力派，相隔9年開騷靚聲仍震撼舞台，每場ENCORE都有影片上傳到Eason的 YouTube Channel，第2場的《抱擁這分鐘》ENCORE片已上YouTube熱門榜，唔少人留言大讚「心很溫暖 這就是香港最有代表性的歌聲之一」「真係好好聽完全冇其他嘢補充」「喺YouTube聽到呢首歌，睇到依個場面，喺屋企都爆喊。」「回憶返晒黎，Eason休息了三年的聲音更好了！」
連登仔都忍唔住大讚：「用作品說話」
而昨日（11日）第3場ENCORE就唱咗《黃金時代》，影片上傳後亦引起熱議，就連當初堅持唔會睇的連登仔，都喺討論區出post大讚Eason歌聲「真係好聽到痴線」「聽到喊咗」「真，聽到好感動」「現場聽，真係high到痴線，勁幸福」「20年前水準」「實力嘅表現，咁樣先係一個演唱會㗎嘛！」「點解第3場都仲越唱越有咁」，仲話Eason真係「用作品說話」，認為Eason演唱會根本只需要一支咪，連舞台效果都唔駛就已經玩晒「簡單衣著，簡單舞台，豐富的聲音, 不需裝飾，有Eason 就是華麗！」「唔使華麗嘅衫，只需要一支咪，企定定用靚聲用心唱，已經可以好感動，好好聽！！多謝你Eason」「EASON感染力真係好強」「高音好扎實 原key 好似返到當年咁」
全民估歌仔ENCORE歌順出道年份
Eason演唱會ENCORE歌場場唔同，有網民就捉到疑似係順Eason的出道年份？以首場為例《遊離份子》就係Eason 96年剛出道的作品，第2場就係《抱擁這分鐘》就係97年的作品，第3場《黃金時代》就係源於98年，所以第4場將會係99年的作品「天佑愛人」或者「婚禮的祝福」2隻大碟裡的歌。
圖片來源：官方提供資料或影片來源：youtube＠Eason Chan
