鄭中基演唱會2024︳鄭中基紅館騷香港站詳情新年預咗派6位數利是？！

鄭中基（Ronald）7月於澳門完成《Fragments of Wonder 鄭中基世界巡迴演唱會2023》首站後，將於2月13日起於紅館舉行6場香港站。一兼5職的Ronald近日密鑼緊鼓排練，務求帶俾大家一個充滿驚喜的演唱會！一文了解演唱會詳情。

鄭中基：新年見！記得著到紅噹噹入嚟見我！

《Fragments of Wonder 鄭中基世界巡迴演唱會2023》在澳門首站反應熱烈一票難求。由機動娛樂舉辦的演唱會，香港站也將於2024年2月13日在紅館盛大開演，計劃進行共6場的精彩演出。作為演唱會主辦、監製、宣傳、投資者、表演者於一身既鄭中基表示：「香港場終於要嚟宣布啦！終於返嚟我哋香港主場啦！由我本人投資、監製、宣傳同表演嘅演唱會！新年見！記得著到紅噹噹入嚟見我！」

鄭中基演唱會 — （圖片來源：《Fragments of Wonder 鄭中基世界巡迴演唱會2023》海報）

新年開show預咗派6位數利是！情人節歌單有特別安排

對於鄭中基新年開show，中基表示：「當然開心，大家唔好再叫我唱〈青春豆〉就好！哈哈！」而新年當然就係逗利是！Ronald笑言：「每次新年開show除咗逗利是，自己都要派利是，開演唱會的話，利是預咗派6位數字，最緊要開開心心！」今年除了是農曆新年，仲撞埋情人節歌單設計係有特別安排！Ronald直言：「有睇澳門場嘅都知歌單有4 part，今次返到香港紅館就加到5 part！至於情人節都會有特別安排，但依家就唔透露住，到時大家就知！」

頭場有Edan！自備厚禮送「老豆」

首場演出有「阿仔」Edan做嘉賓獻聲支持，在唱〈有種〉時還一同向觀眾拜年「逗利是」，現場氣氛十分高漲，尖叫聲爆棚！收穫不少的Ronald說：「逗返嚟嘅利是會全數捐出去。」然後Edan還送了一份「厚」禮給Ronald，Edan說：「我同『老豆』係因為拍《闔家辣》識，當時佢嘅角色係負責切辣椒，咁所以我想送對『厚』手套俾佢。」兩位一人戴上一隻手套合唱〈傷心的小鸚鵡〉，引得觀眾大笑。