農夫 (Fama)新歌《今日我係乜都唔會做》｜歌詞＋新歌試聽及農夫 (Fama)熱門歌曲推薦
今日我係乜都唔會做 (Oh no)
攤大手板攤喺床嗰度 (Yeah Yeah Yeah)
老細call我當冇到
老母點我做家務 no no no
今日我係乜都唔會做 Oh What a wonderful day 今日乜都唔理
要我 起身離開張被 落地 no way
雖然可恥但有用又ok 係逃避
幫我整個 一日臨時墓碑
咪急住搵警察 我今日玩人間蒸發
唔上線唔露面唔賞面唔想轉發垃圾
今日唔會仆住去回覆 留言覆到 似客服
電話都掟落地下 你就知我咩格局
冇心搵真新聞 唔上連登食花生
唔關心隻股跌淨幾蚊
要默書交作文 咪煩我 去搵你娘親
寫歌都冇靈感 想hea到凌晨
下一句都懶得押韻
懶到癲
做一日我偶像富樫
到我抱孫 幻影旅團都應該仲未落船
慢功出細貨 要咁忙咁多為咩
今日我乜都唔做
專心做好個 茄哩啡 Yeah 今日我係乜都唔會做 (Oh no)
攤大手板攤喺床嗰度 (Yeah Yeah Yeah)
老細call我當冇到
老母點我做家務 no no no
今日我係乜都唔會做 Oh 開返支紅酒飲返兩口 擺喺檯頭度由佢唞
唞佢幾個鐘頭 佢一路唞氣 我一路唞唞
唞個上晝 下晝
今日要做乖乖 今日唔出街街
嗌外賣嗌Five Guys 睇埋Brooklyn Nine-Nine
煩囂嘅都市 忙碌嘅公事
平時冇停止 今日要停市
城市 靜止 不問 世事
所有事都關我鬼事
成世人都服務人哋
讀書要打好根基 打機要跟機
返工要俾啲心機 monday sunday someday
熄埋個手機 話知你邊個打嚟
今day 將擔心留俾人哋
把光陰留給自己 今日我係乜都唔會做 (Oh no)
攤大手板攤喺床嗰度 (Yeah Yeah Yeah)
老細call我當冇到
老母點我做家務 no no no
今日我係乜都唔會做 Oh
今日 我係 乜都 唔會做
今日 我係 乜都 唔會做
老友call我冇接到
老師搵我扮感冒 no no no
今日我係乜都唔會做 Oh
今日 我係 乜都 唔會做
今日 我係 乜都 唔會做
農夫 (Fama)《今日我係乜都唔會做》｜新歌試聽
農夫 (Fama)《今日我係乜都唔會做》｜製作團隊
作曲：C君
作詞：農夫 作曲：C君
編曲：C君
監製：C君
農夫 (Fama)Top5熱門歌曲推薦
1.偉大航道 (C君)
2.好彩分手
3.重新找到你
4.456Wing
5.返老還童