張敬軒倫敦演唱會｜連開三場創紀錄華麗靚聲網民：想飛過去！

張敬軒一連三場英國《the PRIME CLASSICS HINS LIVE in LONDON》演唱會，於倫敦逾百年歷史的殿堂級場地Royal Albert Hall 展開，軒公首次倫敦開唱，更成為首位華人歌手在RAH連開三場，演出門票一早被秒殺，現場觀眾來自五湖四海，中國，英國，美國，法國，丹麥都有飛來欣賞，仲有五百多名來自香港歌迷特意飛到英國撐場，讓軒公非常驚訝及開心。而已出晒名唔會令失望粉絲的軒公，今次演唱的酷愛更再次震撼粉絲！

張敬軒降臨 Royal Albert Hall 超級靚聲場地

台上軒公表示非常珍惜有今次機會跟英國朋友見面，可以處身於這麼美麗的Royal Albert Hall ，一個超級靚聲場地，跟大家分享他的音樂是他的榮幸，他亦把這次當作是自己的一次考試，觀眾是考官，希望每一位觀眾都可以感受到他盡全力的演出，給他掌聲及鼓勵。

張敬軒倫敦演唱會｜royal albert Royal Albert Hall 場景華麗！ — Royal Albert Hall 場景華麗！（圖片來源：HINS CHEUNG ）

張敬軒倫敦演唱會｜royal albert — （圖片來源：HINS CHEUNG ）

關心移民港人偷偷加入移英港人群組

是次軒公不單把最經典歌曲帶去倫敦會觀眾，台上更是經常發揮他幽默風趣、妙語連珠讓觀眾歡樂無窮。軒公自爆開騷半年前，用自己Fb的私人小帳號，偷偷加入了一個叫「移英港人群組」:

「因為好想知道好多離開香港嘅朋友，移民生活係點…大家生活好嗎？」

觀眾即有人大叫「掛住你呀！」軒公: 「我都掛住你哋，所以咪飛過嚟，我飛過嚟平過你哋咁多人飛番嚟！哈哈。」接下來為大家唱出《披星戴月》，軒公又關心港人移民是否習慣：「我見到有一啲剛移民過來嘅朋友，可能未習慣，好似有小朋友病咗，唔想食西藥，又冇得睇中醫，我同中醫朋友講，倫敦有得做喎 ….. 」令現場不少移民朋友又感動又大笑不停。