叱咤樂壇2022｜5大精華姜濤大叫暴走 歌手全失準 網民：我聽緊咩

1. COLLAR出事後首次合體

《叱咤樂壇流行榜頒獎典禮2022》一開始打頭陣表演就搵嚟collar出嚟勁歌熱舞。女團COLLAR成員So Ching的男友阿Mo李啟言被巨型屏幕壓傷後，So Ching一直停工照料男友，8人今日終於首次合體出席活動，唱出第一首團歌《call my name！》

2. 個個表現都失準 Gareth.T 「喊住唱」

現場唱live的關係，有唔少歌手都有失準，而Gareth.T因《笑住喊》拎咗「專業推介．叱咤十大」的第八位，即場表演《笑住喊》略有失準，就被網民取笑Gareth.T因應歌曲而「喊住唱」。而且未知係咪未有準備的關係，甩漏不少。相對陳蕾、mc以及大獎得主林家謙的表現就被網民大讚勁穩，特別係mc唱《小心地滑》，難度較高，但亦唱出一定水津。

陳卓賢今晚表演亦比平日失準：

3. 姜濤瘋狂暴走 網民：佢做緊乜？

姜濤因《鏡中鏡》獲得「專業推介．叱咤十大」的第四位。不知係咪因為姜濤因腳傷後久未出席表演，表演得獎歌時今次特別興奮，衝出舞台到台下狂奔，不斷大叫「let’s go」「I’m back!」不過姜濤此舉似乎引嚟唔少網民的不滿「當左自己個唱，個場係自己咁？」「佢唱緊乜」「到底發生過什麼事？」

4. 艾粒扮《first love》

艾粒搞笑扮最近大熱日劇《first love》，仲改歌詞翻唱翻紅宇多田光的《first love》，非常幽默。

5. 林海峰以「正義迴廊」出場

今年同樣由林海峰頒叱咤樂壇我最喜歡男歌手，出場時幽默「配音」最近大熱電影《正義迴廊》。