【叱咤樂壇2020】陳柏宇唱歌走音唱後即鞠躬道歉 網友：現場音響都唔得！
【叱咤樂壇2020】陳柏宇唱歌走音惹網友熱討
《叱咤樂壇流行榜頒獎典禮2020》開初就率先頒發「專業推介叱咤十大」，陳柏宇憑《感情這回事》獲得第八位，上台發表感言時就大講今日起身後的事情：「今朝一起身就湊女，老婆瞓覺，又同個女玩，玩到我個女都瞓埋啦。咁之後我就去化妝整頭，一路都冇開過聲，之後就嚟到呢度化妝吹水。𠵱家唱呢首歌我好擔心，因為我本身唱呢首歌係唱低半度，仲要係開咗聲嘅情況底下。」語畢，他又指自己學唱歌後才知道其唱功差，並「希望唔好太差」。
誰料，陳柏宇演唱得獎歌曲，前半後的發揮還可以，但當去到「你知嗎」時，竟突然失準走音，唯幸陳柏宇冷靜，繼續努力將後半後的歌曲盡力完成；而當他演唱過後，就即時鞠躬向台下及鏡頭前的歌迷、網友、觀眾道歉「Sorry」。
網友：佢都起碼有講，但現場的音響都唔得！
不少網友看直播時都有在討論區上都有大談陳柏宇走音一事，不少網友都表示「可惜」、「起碼都知自己未開聲先講定」，但同時，亦有不少網友都認為現場的音響十分不滯：「支咪啲聲時大時細，但啲音樂就勁大聲」、「現場啲音響差到爆」
