MIRROR︳AK江𤒹生首支日文歌《白愛》疑超致敬mk神曲《非你莫屬》
白愛︳拉闊音樂會翻唱後結緣
在今年與陳卓賢及陳蕾合作的拉闊音樂會中,AK與陳蕾合唱了日文歌《どうして(為甚麼)》,選這歌全因一次機緣巧合,在音樂會舉行之前,AK還未選定合唱的日文歌,剛巧在揸車時,Playlist就隨機播出高瀨統也《どうして(為甚麼)》,AK一聽愛上,推介給陳蕾,對方切十分喜歡,於是就在音樂會上演繹了這首歌。怎料音樂會之後,有人在社交平台Tag了高瀨,對方亦高度讚賞,更轉載了演出片段,AK亦因此與高瀨在IG 認識了,AK道:「之後高瀨問我,可唔可以為我寫隻歌,我聽到,就梗係覺得好啦!結果就促成今次合作。」
白愛︳新歌度身定做 大讚與AK互動
兩位男生合作,卻創作出一首慘情情歌《白愛》,AK解釋道:「《どうして(為甚麼)》都係少少慘嘅情歌,當時想繼續循住呢個方向去創作,再加上高瀨問我想唔想一齊 合唱,於是就成就咗今次嘅合作。」高瀨填詞的時候,更精心加入「どうして」這一句落在副歌歌詞,並由AK唱出,這個安排,絕對是窩心的一次度身訂造。對於今次為AK寫歌,高瀨表示:「能夠為AK創作佢嘅首支日文歌,實在感到十分榮幸!多謝佢俾咗咁寶貴嘅機會我。」高瀨更透露合作後對AK的感覺,他說:「我哋6月開始灌錄《白愛》,當時AK嚟咗我屋企,當時係我哋初次見面。AK是我認識嘅朋友之中,最喜歡同人互動交流嘅人。離開屋企之後,我仲帶咗佢去附近我好鍾意嘅居酒屋呢!」
白愛︳以BL情節表達歌曲故事
MV方面,今次AK與高瀨統也都未有參與其中,但二人卻構思了一個與《白愛》一樣的傷感愛情故事。AK說:「同高瀨傾歌曲內容嘅時候,講到其實愛情除咗男女之外,都可以有唔同形式出現,所以就諗不如MV以BL情節表達歌曲故事。」
![江𤒹生 ak](https://imgs.orientalsunday.hk/wp-content/uploads/2023/11/whatsapp-image-2023-11-15-at-23.47.54_21373488726554e84227557.jpeg)
白愛︳盼新歌能吸引日本聽眾
AK熱愛日本文化,但他其實不諳日語,所以今次錄音都靠死背,他說:「我本身唔熟悉日文呢個語言,所以今次錄《白愛》只有硬記,喺拉闊唱《どうして(為甚麼)》之前,都有唱過日文歌,但每次硬背日文,未必明白意思,所以拉闊之前係想認真了解呢個語言,搵咗個日文老師學日文,不過我日文能力一啲都唔高,因為只係上咗幾堂。」但這次可以推出日文歌,AK可有想過藉此打開日本市場?他笑言:「冇諗到咁遠,希望可以透過《白愛》呢首歌,吸引到日本聽眾認識我。首次同高瀨合作,希望除咗香港樂迷鍾意之外,日本嘅朋友聽到我唱日文,都會鍾意。」
白愛︳網民大讚旋律優美 懷疑致敬mk神曲〈非你莫屬〉
《白愛》推出短短時間已晉身YouTube熱門影片,網民都留言大讚超好聽,無論係旋律、曲風、聲音定係MV都做得超出色!不過有網民就表示有點耳熟,認為副歌位置有致敬mk神曲〈非你莫屬〉!〈非你莫屬〉係台劇《東方茱麗葉》其中一首插曲,由TANK呂建忠主唱,以及林依晨都有翻唱。當年台灣歌手TANK呂建忠〈給我你的愛〉、〈專屬天使〉、〈如果我變成回憶〉、〈非你莫屬〉等多首台劇主題曲、插曲成為唔少80、90後回億殺,被封唱k必點mk神曲!
大家快啲聽聽!