hmvod推出7部電影Facebook免費睇王宗堯張建聲籲港人留家抗疫兼撐本土電影｜食住花生等睇戲

【hmvod】新冠肺炎第三波來勢洶洶，連日來不斷有新增的確診個案，政府於早前已實施防疫措施，讓大家重回朝早Work Form Home，夜晚留家的日子，為解大家夜晚無聊沒事做，網上影視點播平台 hmvod 從而推出一連七日電影免費睇，網民只要上 hmvod facebook 就可於每晚 9 時半至凌晨 5 點欣賞當日推介的電影。

撰文：異種火星人｜圖片來源：hmvod

張建聲坦言疫情對他打擊大要自困屋企做Gym減肥

hmvod早於本月15日時，已進行連續 7 晚在官方Facebook播放 7 部不同的本土電影，首日就有由張建聲 ( Justin )、何珮瑜和松岡李那主演的懸疑片《作家的謊言：筆忠誘罪》，張建聲直言今個星期對他的打擊十分大，不但工作要押後同改期，就連想外出做Gym也不能：「因為日後的工作，對於落緊磅嘅我係嚴重打擊，因為我極度需要帶氧運動，跑步、打泰拳全部唔做得，唯有喺屋企食少啲嘢、做少量運動，始終喺屋企做同喺出面做就爭好遠，同埋冇得出街啦，但為已為人，唔好出街、帶口罩、唔好去人多地方，希望疫情快啲過。」

hmvod, 電影, 王宗堯, 張建聲, 在家抗疫, 免費, 作家的謊言：筆忠誘罪, 小男人週記3之吾家有喜, 西謊極落：太爆太子太空艙, 猛龍特囧,, 棟篤特工, 壹獄壹世界：高登闊少踎監日記, 導火新聞線 — 張建聲直言自己落緊磅，但因疫情關係，不能外出做GYM及跑步, 對他來說可謂是嚴重打擊

王宗堯籲大家一定要做好防疫措施

至於在20日當晚，hmvod將播出由王宗堯、張建聲所主演的《壹獄壹世界：高登闊少踎監日記》，主角之一的王宗堯就希望大家能為家人、為自己、甚至為身邊人，從而做好防疫措施。及後，王宗堯更表示：「嚟緊大家要有心理準備唔會淨係呢七日，我覺得上次以政府做嘢嘅速度同應變得咁慢，將防疫擺到咁低嘅話，佢哋嘅應變措施一定唔會係咁即時，亦都唔會果斷，所以大家有定心理準備接下嚟嗰個月會好危險，香港人繼續做好自己嘅嘢，自己做好防疫措施，要洗手要帶口罩，返屋企同食嘢前要做好清潔，有唔舒服記得要睇醫生。」