Disney+︳《貞子：咒殺KOL》暴走字幕 網民：Disney+壞咗
廣告
Disney+新上架電影《貞子：咒殺KOL》係2019年上映的日本恐怖片，故事改編自鈴木光司的《惡潮擴張》，上映時曾被譽為最搞笑貞子電影，近日就有網民喺Disney+回顧時就發現其字幕勁貼地，大用香港潮語，以為Disney+壞咗定點，原來呢套戲精粹就喺字幕中！
Disney+《貞子：咒殺KOL》字幕用香港地道潮語！
新上架電影《貞子：咒殺KOL》原來係2019上映時，字幕已經係當時套戲嘅賣點，唔少香港人睇完都指明明睇恐怖片但又同時覺得好好笑。原來當時特登將字幕改成香港地道潮語、貼地口語，畫面認真驚悚，字幕就非常有喜感，反差感覺令觀眾對此片好感提升！而且電影中的youtuber名字仲特意用返香港知名youtuber如「笑波屎」「大占」等如同香港的「笑波子」「大J」令香港觀眾其嗚感非強！
精彩對白重溫：
「皇天擊殺。」「嚇到我濕晒」「想吊高嚟賣？」「大家攬炒」「做咩非法集結」「巴打」「似層層，等fact check」「笑波屎已死，轉睇大占」「鐵鍊鎖衣櫃，屋企好濕滯」
網民意見兩極：投入唔到！
唔少網民當時入戲院睇呢套戲都覺得好有趣，不過都有網民指咁樣令佢投入唔到落套電影度，唔知係咪掛住望住啲字幕？！「之前入戲院睇都俾字幕笑死」「其實有依啲字幕幾正㗎喎」「當年入場當笑片睇」「救命想睇」「字幕係唯一亮點，故事就有點悶」「我想鬧咗好耐！呢套嘢啲字幕真係令人完全投入唔到！一邊睇一邊個腦剩係出現「發神經」三個字！！」
圖片來源：《貞子：咒殺KOL》電影截圖
