1人婚禮｜阿冰首擔電影女一票房仆直！網民大數3大死因

賀歲片票房報捷，而《1人婚禮》由小薯茄阿冰擔正的愛情小品電影卻未如理想，阿冰曾預告若票房達千萬即著三點式，男主角陳健朗更表示會裸跑答謝大家。不過由初五(26日)上映至今，票房未過二百萬，有不少人為電影票房告急，而投資者杜汶澤連日隔空谷票！

1人婚禮｜票房不到二百萬

市道復甦港產片回勇，黃子華的《毒舌大狀》票房破五千萬大關，《超神經械劫案下》亦直逼二千萬，《給十九歲的我》優先場已達六百萬。而由杜汶澤的喱騷投資、周冠威執導的《1人婚禮》票房卻要告急，有人在討論區出帖告急，呼籲大家二刷「唔好畀杜生蝕錢」，但網民卻列舉3大敗因。

1人婚禮阿冰指電影中的角色跟自己很相似。 — 阿冰指電影中的角色跟自己很相似。（圖片來源：IG＠sabrinapingping_）

1人婚禮電影中見到不是搞笑的阿冰！ — 電影中見到不是搞笑的阿冰！（圖片來源：《1人婚禮》劇照）

1.場次少：天地時間好難捧場

有網民指受場次限制，指院線不多而且場次少是最大原因，「我都想撐，但我呢邊啲場次衰到貼地，一係早一係好夜」、「場次真係好影響票房，我想睇多次都好難搵啱場次」、「咁少場次點幫襯呀」、「其實上咗幾日有呢個數唔算差，係啲戲院場次影響」、「告急係因為地方唔就腳，唔係唔想睇」。

1人婚禮阿冰在電影中是一名KOL，為了激增流量而想盡辦法。 — 阿冰在電影中是一名KOL，為了激增流量而想盡辦法。（圖片來源：IG＠sabrinapingping_）

2.阿冰擔唔到大旗

其二直指阿冰擔不起大旗，指她只是channel女主角，未夠班做電影女主角，「主要係唔妥阿冰，MK妹咋喎，憑咩估主角？」、「阿冰戲屎咪唔睇，平時睇佢YouTube片就知，都係誇張個啲搞笑片」、「睇到阿冰就諗起大軍，不了」、「大軍著婚紗太重口味了」、「本身算係 Youtube 界女神，小薯茄當紅炸子雞走去做電影女主角搞到見真章，票房仆直仲累到杜汶澤蝕錢」、「佢喺Youtube先有market，但佢嘅feel上唔到大枱」、「Youtube講有無話題性，電影真係要識做戲，無咁大個頭就咪以為自己有料」、「阿冰都算其他演員個個都係阿叔阿姨，搵班後生演員做可能無咁肉酸」。

1人婚禮導演周冠威指之前不認識阿冰，試鏡時感覺她青春活潑又靚女，跟角色很似故選她做女主角。 — 導演周冠威指之前不認識阿冰，試鏡時感覺她青春活潑又靚女，跟角色很似故選她做女主角。（圖片來源：《1人婚禮》劇照）

1人婚禮阿冰背部紋身，在電影上被公開。 — 阿冰背部紋身，在電影上被公開。（圖片來源：《1人婚禮》預告片截圖）

1人婚禮婚紗背後現倒轉三角型紋身！ — 婚紗背後現倒轉三角型紋身！（圖片來源：《1人婚禮》預告片截圖）

3.爛片拒入場

有網民指因為睇過評語，唔想睇爛片而拒入場，「支持香港電影，製作人就應該用作品質素去令人支持，唔可以乜都盲撐，咁搵杜生著婚紗做阿冰個角色咪得囉」、「睇咗，但幾悶下幾次想離場，如果唔係阿冰我一早走咗」、「套戲換晒啲主角都唔係好得喎」、「一陣燒生又出嚟笑呢啲係小朋友水準啦」。

網民：唔好咁快下定論

不過亦有不少網民指上映時間短，不能跟同期賀歲片比較，「仲未播完，大家唔好咁快定論」、「套《窄路微塵》有提名獎項又咁谷法都唔過千萬，《1人婚禮》仲有時間跑㗎！」、「唔關立場事，係要支持香港電影，睇咗《19歲》、《毒舌》都可以睇埋呢套本土電影」、「如果套戲唔好睇可以直接寫影評，好似《明日戰記》咁都好多負評，但啲人係去咗鬧杜生，咁對阿冰同周導好唔公平」、「啲人反而因為杜生而唔睇，咁抺煞咗演員同導演嘅心機，講真係一套以低成本製作但誠意十足的電影」、「小品都可以有自己市場，值得去支持下」、「唔好睇立場，周導仲有套《幻愛》㗎，堅有料」。

1人婚禮好戲之人梁祖堯也有捧場！ — 好戲之人梁祖堯也有捧場！（圖片來源：FB＠梁祖堯）

故事簡介

美女小丑藝人阿冰(吳冰飾)搞笑精叻，表情誇張，最愛逗人發笑，與性格狂野，作風踩界的男友Dickson (陳健朗飾)，決志成為熱爆Youtuber，為求提升點擊率，順應網民要求玩求婚，實際是假結婚，慘遭悔婚後的阿冰決定要同自己結婚！阿冰舉辦一個人的婚禮，估不到因此變成KOL，備受追捧，還吸引了多名粉絲瘋狂追求，阿冰真的驚動了真情！要愛人，先要愛自己，要愛自己，但究竟「我是誰」？最愛又是誰？阿冰決意在一人婚禮上，宣告自己的終極大秘密⋯⋯