金馬獎2024︳多部港產片入圍 鍾雪瑩余香凝有份爭影后！網民：阿冰呢？

金馬獎2023︳鍾雪瑩余香凝爭金馬影后

繼上屆袁澧林憑《窄路微塵》拎到金馬獎最佳女主角提名之後，《第60屆金馬獎》鍾雪瑩、余香凝Jennifer分別以《填詞L》、《白日之下》提名金馬獎「最佳女主角」！鍾雪瑩憑由黃鐦監製，黃綺琳執導兼編劇之新片《填詞L》。呢套係首套電影史上關於粵語歌詞的作品，繼《金都》後又一清新細膩之作！

金馬獎2023︳余香凝喜極而泣「係人生十大最驚喜」

余香凝去年首次入圍金馬獎角逐最佳女配角，今年再下一城，坐緊月的佢得知後即喜極而泣，表示「好開心，個人到而家都仲未平復，因為坐緊月，第一年可以坐定定喺電視旁睇金馬獎入圍名單直播。媽媽在我左邊，囡囡在我右邊，其實囡囡唔知發生咩事，但突然見到我哋好激動，媽咪錫我塊臉，佢又走過嚟錫我塊臉，我覺得呢刻係我人生十大最驚喜、開心的瞬間，加上有媽咪同囡囡同我一齊分享。」余香凝仲話佢會好好坐月、積極修身「希望11月出席金馬獎時靚點，不會太肥同太腫！」

金馬獎2023︳林保怡入行超過30年首獲電影提名

《白日之下》除咗有余香凝角逐最佳女配之外，《白日之下》一共獲得五項提名，包括余香凝入圍最佳女主角、林保怡及梁雍婷（Rachel）分別入圍最佳男、女配角，另外電影亦有份角逐最佳美術設計及最佳造型設計。入行超過30年的林保怡，係演藝生涯首次獲電影獎項提名。

網民：《一人婚禮》吳冰竟然落選金馬獎

對於今次的金馬提名，唔少網民都認為係對香港電影市場一個莫大的鼓勵同肯定，而且終於有香港新女演員成功彈起！「香港演員唔止男演員，新一輩女演員都上位了」「近年新人都好勁。」亦有網民就表示對於《一人婚禮》女主角阿冰唔入金馬獎女主角提名感到可惜。不過似乎就唔係個個buy「1婚入到先係神奇啦」「作為一個新人，佢做得好好，但又未至於提名影后，一下捧得太高，好易惹人反感，一步步嚟，等更多人認同更好。」「有咩咁意外？仲要用竟然」「預左啦 呀冰做得好好咩？」「師兄，曲？」「呀冰最多咪爭最佳新演員，原來都冇份」

金馬獎2023︳《年少日記》五項提名！

由mm2香港全球發行、第五屆「首部劇情電影計劃」大專組得獎作品《年少日記》，由新晉導演卓亦謙編寫及執導、爾冬陞監製，盧鎮業、鄭中基、陳漢娜、韋羅莎及黃梓樂主演，獲得第60屆金馬獎共五項提名，亦同時成為唯一港產片入圍「最佳劇情長片」！

金馬獎2023︳提名名單