《毒舌大狀》影評丨網民列舉3大必睇原因：睇完好大快人心！
毒舌大狀影評丨1.大快人心的法庭正劇
唔少觀眾都俾電影名《毒舌大狀》以及預告片呃咗，以為係一貫賀歲喜劇，點知個個入場睇完都表示非常驚喜，原來係一套有意思且內容嚴肅的律政正劇電影。電影中探討不少法律、權貴鬥爭、公義的討論，子華神當然亦係劇中講出不少金句，唔少觀眾都形容睇完電影後要以4字形容「大快人心」！不過如果真係打算睇以往新年的賀歲喜劇的觀眾，可能就會因此失望。
毒舌大狀影評丨2.同《正義迴廊》比較相對無咁沉重
《毒舌大狀》都係法庭戲的關係，唔少人都以最近一套熱爆電影《正義迴廊》作直接比較，從而出現落差感。不過唔少觀眾就對此解釋，認為兩套雖同為法庭正劇電影，但無論係故事以及拍攝手法都完全唔同，《正義迴廊》貼近真實感，而《毒舌大狀》係戲劇感較重，有思考位之餘，唔會咁沉重，放喺賀歲檔期出恰當好處。
毒舌大狀影評丨3.演員勁有戲子華神做正劇仲好睇
唔少人都大讚演員演技出眾，如王丹妮、黃子華、謝君豪、Dee哥、楊偲泳等人。黃子華、謝君豪喺電影中係完全對立的角色，2人係法庭上的對戲簡單令觀眾直呼難忘，平日做開喜劇的子華神，被觀眾大讚做正劇好好睇！而君豪哥最近出演不少賣座港產片，由《明日戰記》飾演陳蒼松博士到《過時．過節》主演陳旭真，一位沉默寡言的爸爸，直到《毒舌大狀》一位理性至上的金遠山，每個角色都帶出截然不同的演技，唔少觀眾都話唔講唔知原來係同一人，大讚「壓場感勁到，佢真係好x charm」！電影中的王丹妮因《梅艷芳》而為人熟悉，但今次喺《毒舌大狀》不單成功擺脫「梅艷芳」的形象，仲有突破性演技，網民都指非常有驚喜。Dee哥同楊偲泳都非常亮眼，表現自然，楊偲泳對子華神對戲有火花，Dee哥有喜感仲話「Dee哥點綴成套戲，好重要」。
毒舌大狀預告片：
《毒舌大狀》有什麼必睇原因？
《毒舌大狀》，一上映5日即破3000萬票房，子華神亦因此將「票房毒藥」一改為「賀歲之神」。網上已有唔少對《毒舌大狀》熱討，有讚有彈，網民更列出3大必睇原因。首先網民大讚雖然比預告片呃咗以為係一貫賀歲喜劇，原來係一套有意思且內容嚴肅的律政正劇電影，更大快人心…詳情請看；最近《毒舌大狀》在內地上畫更狠刪了一場親熱場面…詳情請看
《毒舌大狀》故事大網是？
面對隻手遮天的權貴，子華神以三寸不爛之毒舌伸張正義！大律師林涼水（黃子華 飾）以毒舌見稱，在處理一宗全城關注的虐兒案時，他因一時自負大意而令無辜被告人曾潔兒（王丹妮 飾）蒙受17年冤獄。直至一次翻案機會出現，但因案件涉及香港顯赫家族，整個傳媒界、警界、以致司法界都與林涼水為敵！在勢力懸殊的法庭內，林涼水面對主控官金遠山（謝君豪 飾）的咄咄進逼，依然無畏無懼，全力以寸嘴與權貴終極舌戰…詳情請看
