正義迴廊影評｜電影4大解讀同犯人對話？網民：導演極大膽必須二刷

正義迴廊影評｜1. 所有角色都係主角

今次電影採用的角度除咗講返真實案件之外，集中於案件進入法庭審訊程序的討論，將明明係案件的2大主角張顯宗、唐文奇戲份分斥俾其餘不同的角色，例如律師、九位不同背景的陪審員、以及雜誌記者等，將主次大撈亂，每個角色都擔任非常重要的位置同戲份，令觀眾不能錯過電影中的每一位，而且能夠理解每一個角色的思考點！

正義迴廊影評｜2. 導演似是而非借電影與謝臻麒對話？

導演於製作特輯講述到當時大角咀呢單案件都非常震撼到佢，作為香港人佢同樣都有參與其中，所以都會好似「高登神探」咁想去推理成件事，想幫兇手搵返父母、推論疑點，同埋真相的追求。而電影中都非常集中於「唐文奇」第二被告即係謝臻麒，到底有無有份參與呢件事！？雖然電影到最後「唐文奇」好似成為咗一個懸念，但其實電影最後利用退休老師的指控、唐文奇搭的士忍唔住要落車以及最後訪問中被問到自己有無愧疚時的回應嚟回答咗呢份懸念。其次電影中有句對白係用咗早前疑周凱亮好友出面指證謝臻麒先係兇手的留言「人扮聰明無乜可能，不過扮蠢扮遲鈍低能，係人都得！」有種疑似借電影同謝臻麒對話的感覺！

完整影片：

正義迴廊影評｜3. 利用盤菜瑩子指責「全部人都係兇手！」

真實案件中，除了兇手手法殘忍外，另一個焦點就係當時的媒體雜誌。當時起初周凱亮假扮尋父母，開專頁又利用蘋果動新聞拍片求助，媒體廣泛報道，仲要提堂2日後刊登專訪，最後搞到報章記者被告藐視法庭（電影最後的場口）。睇落電影似乎只係將事件還原，網上《正義迴廊》評論中，有唔少網民係不能太理解雜誌記者的角色的重要性以及最後盤菜瑩子上庭的場口。但其實電影的安排仍有巧妙之處，有網民就分析首先處理盤菜瑩子訪問兇手的場口中順勢帶出兇手有同理心呢個重點，再指出媒體影響法庭判決的問題，去諷刺事件中最為險惡的兇手反而最誠實、有同理心，暗寸其餘以為事不關己的人，其實都有份推動緊整件事，將事件惡化，社會、花生友全部都係兇手！而導演於製作特輯中亦有講出「兩個角色係咪有同理心」都係佢電影想講的重點。

正義迴廊影評｜4. 九位陪審團似足狼人殺氣氛緊張

電影唔少戲份都嚟自九位唔同背景的陪審員，講述佢哋點樣去睇呢件事，點樣爭議等。唔少網民睇完都指呢個位導演處理非常好以及新鮮，令觀眾一齊代入陪審員的角色一齊進入案件以及思考，好似「狼人殺」遊戲咁，一齊去拋論點估邊個先係狼！