正義迴廊票房一破2千、即爆極嚴重指控 當事人：無稽之談

《正義迴廊》工作人員寫匿名投訴信

電影昨日才宣布衝破二千票房大關，即有一位自稱係《正義迴廊》的工作人員出匿名投訴信俾製作團隊、翁子光監製及導演組，斥「我雖勢弱言輕，決不虛作無聲」，強調「讓電影的成功建基在人權被剝奪的弱勢之上」。當時在拍攝「納粹」的裸露鏡頭時，指2位特約演員1名外籍以及另一名中國內地，一開頭拍攝電影前收到的指示只係裸露背部，而到達現場時先突然被要求除乳貼，而初時兩名演員明確拒絕，更清晰表達唔願意以全裸出現喺鏡頭前，不過因群眾壓力以及言語不通下屈服，先脫下乳貼再除埋內褲，現場並無清場，2人完全曝露喺過百人前，更指名「有一監製」為加緊拍攝進度，對於cut機時披衣服的行為係「都露曬，遮嚟都冇用啦！」，認為其行為係剝奪二人應有的尊重及權利，最後特約演員2人事後有追討演出市價，但未能成功，最後電影公司只俾返港幣500元打發！最後強調事件唔係第一次仲強調「但願翁子光監製及導演組記得你們拍攝的成功是建基在他人痛苦之上。」內容直接質疑導演組的職業的操守以及對特約演員的不尊重，此番言論甚是誇張，影響其名譽，以及更與電影的主題起衝突！

同場特約演員：當日無見過監製

有稱同場特約演員出面澄清，指當日根本未見過監製出現，內容如下：

我係當日(2020年12月22日)喺現場拍同一場戲嘅特約演員。
拍攝團隊有冇強迫演員或嘈交我真係唔清楚。
但我可以肯定嘅係現場拍攝係有清場，目測不多於30人。
而且直到拍攝完畢，我當日都冇見過監製出現過喺現場。

我見到嘅就係咁樣。

監製翁子光搵埋本人澄實「純熟捏造」！

監製翁子光亦出現回應，拍演員係佢親自搵嚟，係一位人體藝術模特兒，裸露演出都係事先有協定，絕無強迫成份，仲搵埋本人對話作為證據，本人亦感驚訝「真的是胡說八道，我們明明是事先講好的沒有任何人逼過我」，更指要幫忙澄清事件，而且指出整篇文章係「純熟捏造」！而「納粹德軍」部分翁子光亦表明當日並不在場，所以要進一步了解事件，再作回應。

當事人出post澄清：假！

內文中的特約演員當事人澄清5大點，同指責信相反。首先指納粹以及casting 2場戲都係佢嚟，拍攝前亦有傾好尺度，唔存在威脅，而且原本就識講廣東話，所以無言語不通的問題。拍攝期間當事人老公就坐喺現場，導演同監製旁邊，納粹嗰場戲，監製唔係現場，最後演員亦表明如遇到不公時自己都會為自己發聲。

網民：一破2千萬先講！

雖然寫信人有解釋係因為電影大獲好評，所以唔想「抹煞或影響電影中每一個努力的單位」，先到呢刻才寫信，但唔少人都難以置信，認為電影一紅，剛衝破2千萬，就剛好爆出呢封信「10月27號上畫，第一日得20萬票房，但嗰日冇講，第一個星期冇可能未準備好，但而家都上咗三個星期先有呢封信，想知位匿名者心中既正義係值幾多？」。事後該page亦被鬧爆，唔少網民引用電影名句「屈我啦，屈我啦」。