正義迴廊｜更新人士爆事件主角謝臻麒、周凱亮真實近況！真兇竟是他？

更新人士：周凱亮佢正常過你

近日《正義迴廊》成為一時熱話，有網民於討論區發起「有無人識周凱亮/謝臻麒真人」的討論，引嚟唔少人齊齊報料，有網民就搵到一年前youtube頻道《WHIZOO》拍過一條片叫「恐香港監獄日常－身邊就是殺人犯？」，搵嚟曾經入獄的更新人士嚟分享入獄的經歷，當時就有談及到周凱亮。影片受訪人士表示「周凱亮佢正常過你」，形容周凱亮外形斯文，談吐正常，而且講到「屋企人太錫自己」呢啲字句時，周凱亮雖是弒親，但聽到都會點頭認同。有網民睇完都表示認同，指有朋友喺懲教任職時都指通常呢啲殺人案的犯人比較靜以及低調，相反最麻煩嘅係啲後生Mk仔，一日到黑撩是鬥非，以為自己好型，但唔夠膽撩殺人犯講嘢，不同圈子。

重溫疑周凱亮好友出面指證謝先係兇手

YouTuber「解密工作室」亦有解說過案件，當中有疑是周好友在底下留言指：「學鋼琴與澳洲留學都唔係周凱亮自願接受」、「阿哥在家又成日打細佬 」，其說法為周平反，之後又指證謝臻麒先係兇手：身邊有個人同佢講，不如搵你最憎嘅人走先啦」、「扮蠢扮遲鈍低能…..係人都得！」，不過其真實身份存疑。

雖然多人都想知未有入獄的謝臻麒會否入戲院睇《正義迴廊》，不過討論區就未有人爆料，大家都似乎覺得本人已經隱姓埋名。