明日戰記｜網民爆笑代入5大導演改寫電影 王家衛：天幕都會過期！

唔少網民認為初次執導的吳炫輝導演係文戲的處理上仲有可以進步的空間，繼而有網民就提議試吓代入其他有名的香港導演，又會點拍？如杜琪峯、王家衛、葉念琛等。

杜琪峯

一開始第一場會以文戲開場，交代晒幾個主要人物，唔會以旁白的形式，張家輝唔係食匙羹，可能係隊咗嗰支基因子彈。而槍戰場面會變慢動作，姜皓文演的「臭鼬」一角會改用林雪，

葉念琛

光仔同同小綠的感情線會放大，第三者、偷情、復合有齊晒，小綠改名變阿寶，機械人全部都會改名叫「阿寶」，結局會嚟個大反轉，男主角係渣男，女主角學識戀愛新道理。

王家衛

啲燈光全部暗晒，演員個樣可能淨係睇到一半。無啦啦會勁多慢鏡，主角經常口噏噏獨白，古天樂會講「不知道從什麼時候開始，在什麼東西上面都有個日期，秋刀魚會過期，肉罐頭會過期，連天幕都會過期，我開始懷疑，在這個世界上，還有什麼東西是不會過期的？」年代變咗2046。

黃百鳴

打麻雀，黃百鳴自己會落場客串，片尾happy ending，全部演員一字排開同觀眾拜年。

王晶

CG唔會搞到4年咁耐，3個月起到貨，機械人會變女仲要勁好身材，一定有床戲同低俗位，對白加插「屎尿屁」，改成「天可以屎，地可以屎，但我哋唔可以屎」內地票房勁好勁快回本。