奧本海默影評+彩蛋丨入場前7大必看原因！史詩級解構原子彈研發過程
奧本海默︳名導基斯杜化路蘭
名導基斯杜化路蘭(Christopher Nolan)相信大家都唔陌生，佢係一位英裔美國電影導演，以複雜情節荷李活大片聞名，被認為係21世紀的頂級電影製作人。Nolan有唔少知名的電影作品如《Memento》、《蝙蝠俠—黑夜之神》三部曲、《潛行凶間》等，以其獨特、複雜、非線性敘事風格而聞名，經常以探索記憶、身份和時間為主題。Nolan曾創下10部電影喺全球獲得超過47億美元的票房紀錄，曾獲得多項獎項提名，亦被《時代》雜評為2015 年全球最具影響力的 100 人之一！所以如果係Christopher Nolan電影的粉絲不要錯過。
奧本海默︳認識「原子彈之父」奧本海默
「原子彈之父」奧本海默 1904 年 4 月 22 日出生於紐約市，係著名的美籍猶太裔物理學家、「曼哈頓計畫」的領導者。當時佢創建咗美國洛斯阿拉莫斯國家實驗室並擔任主任，進行「曼哈頓計畫」，喺1945年7月，主導製造出世界上第一顆原子彈，因此被譽為「原子彈之父」。呢位「原子彈之父」簡直猶如一位美國英雄，但竟然係麥卡錫年代被一位美國議員指控他是蘇聯間諜，撤銷奧本海默的安全許可證，令奧本海默職業生涯蒙羞而終。終於喺60多年之後，美國能源部解密秘密檔案顯示奧本海默並非共諜，還咗奧本海默一個清白。
奧本海默︳認識謎一般的男人－斯里安梅菲
今次已經係斯里安梅菲（Cillian Murphy）第6度同Nolan攜手合作，擔上男主角。之前合作如《蝙蝠俠》三部曲、《潛行兇間》、《鄧寇克大行動》。斯里安梅菲單喺《奧本海默》的預告中已經見到佢今次非一般的演出，而且令人又愛又怕的獨特氣質，加上清澈的藍眼，Nolan如何去將斯里安梅菲拍成謎一般的男人，真係令人非常期待。
奧本海默︳歷史上首次核爆瞬間的故事
電影改編自Kai Bird和Martin J. Sherwin所著普立茲獲獎書籍（ American Prometheus: The Triumph and Tragedy of J. Robert Oppenheimer ）。相信唔少人都得知原子彈轟炸日本廣島和長崎的歷史，來龍去脈亦都略知一二，不過今次故事就會聚焦喺美國「原子彈之父」奧本海默，開發第一顆原子彈的過程，相信唔少人都會對呢個過程感到好奇，到底奧本海默係點樣領導整個曼哈頓計畫，並透過「三位一體Trinity」的方式試爆成功呢？今次Nolan一樣會為大家詳盡解構！
奧本海默︳IMAX菲林攝錄機拍攝 畫面真實壯麗
《奧本海默》同Nolan以往的作品一樣以IMAX 攝影機進行拍攝，但今次最特別就係採用咗 IMAX 65 毫米及 65 毫米大片幅菲林攝影的拍攝技術，同時都係有史以嚟首部以 IMAX 拍攝部份黑白片段的電影作品。入場的觀眾可以感受一下今次咁特別的畫面質感，係最身臨其境的電影體驗，而且呢種配合當時年代背景，簡單係無與倫比超靚畫面！
奧本海默︳幾乎無電腦CG呈現「真爆炸」！
今次《奧本海默》最勁爆就係拍一套講原子彈、爆炸的電影，Nolan竟然幾乎無用CG！Nolan一直都係實景拍攝的推崇者，佢注重實際效果而不是CG，希望可以傳達真實又震撼的畫面效果給觀眾欣賞，如Nolan上一部電影《天能》真係炸毀一架波音747客機等。今次Nolan都唔例外，為咗呈現爆炸畫面的真實感，受訪時透露去去咗美國新墨西哥州（「三位一體核試」實際發生的地方）的一座山上極惡劣的天氣下完成拍攝。雖然Nolan無正面回應佢係真係搵咗粒炸彈去爆炸，不過唔少人都覺得Nolan的瘋狂真係會做得出！
奧本海默︳最頂級卡司陣容集結
《奧本海默》未上映就引起了唔少關注，事關導演路蘭集結咗史無前例的超豪華卡司陣容。除咗有《蝙蝠俠：俠影之謎》的「稻草人」斯里安梅菲(Cillian Murphy)飾演「原子彈之父」羅伯特奧本海默(J. Robert Oppenheimer)、《無聲絕境》艾美莉賓特(Emily Blunt)飾演其妻兼生物學與植物學家凱瑟琳(Katherine “Kitty” Oppenheimer)、金像影星麥迪文(Matt Damon)飾演領導「曼哈頓計劃」(Manhattan Project)的萊斯利格羅夫斯將軍(General Leslie Groves Jr.)、《鐵甲奇俠》羅拔唐尼(Robert Downey Jr.)則飾演美國原子能委員會創會成員之一劉易斯斯特勞斯(Lewis Strauss)、金像提名女星科倫絲佩芝(Florence Pugh)飾演精神科醫生瓊塔特洛克(Jean Tatlock)、賓尼沙夫迪(Benny Safdie)飾演理論物理學家愛德華泰勒(Edward Teller)、麥可安格蘭諾(Michael Angarano)飾演物理學家羅伯特瑟伯爾(Robert Serber)，佐斯夏利(Josh Hartnett)飾演美國先驅核科學家歐內斯特勞倫斯(Ernest Lawrence)、金像影帝雷米馬利克(Rami Malek)，路蘭亦再次與八度獲金像提名的演員、編劇及電影製作人堅尼夫班納(Kenneth Branagh)合作。
