天龍八部之喬峰傳｜甄子丹專訪介紹4大必看位：有Marvel元素？

由無限自在文化傳媒出品，甄子丹監製、執導主演《天龍八部之喬峰傳》將於1月19日上映！今次單喺海外發行成績已超越《葉問4》，令人非常期待。到底甄子丹執導又會為我哋帶嚟同以往有幾唔同的《天龍八部》？今次New Monday的甄子丹（丹爺）專訪介紹必睇4大原因！

必看位1. 不一樣的金庸電影加入Marvel元素

金庸的《天龍八部》其實已經有好多版本，無論係電影定係電視劇集，訪問中丹爺就表示唔想《天龍八部之喬峰傳》變成一套翻拍的電影，就決定加入一啲新元素，無論係動作的設計，定係劇情，會將喬峰嗰種俠義、英雄豪傑的精神放大。認為Marvel電影之所以受市場歡迎，因為電影中將「英雄」呢個概念做得好，觀眾能投入當中。古裝武俠片其實係帶有強烈的英雄主義在內。所以觀眾睇的時候都會感受到淡淡Marvel元素，尾段同樣有彩蛋！

必看位2. 動作片成為世界的共通語言

丹爺仲表示佢想拍一套就算未睇過《天龍八部》的人都會睇得明的作品，就連外國人都會睇得明，所以佢放咗好多心思係設計武打動作上，因為佢認為呢啲武打動作正正就係通往世的共同語言，就算唔識中文、唔識金庸的人都會睇得明，亦因如此佢一改以往古裝勁多慢鏡頭、過份虛幻的作風，將古裝武打動作都同樣打得好實在，再配合cg的效果，今次的《天龍八部之喬峰傳》相信又係另一個癲峰之作！

天龍八部之喬峰傳丹爺大爆當時為咗令人設更完整，就算拍到幾夜都要堅持做好佢 — 丹爺大爆當時為咗令人設更完整，就算拍到幾夜都要堅持做好佢（圖片來源：《天龍八部之喬峰傳》）

必看位3. 諷刺現代社會問題

今次觀眾除咗可以欣賞打鬥動作的設計之外，丹爺仲想透過電影帶出一啲想法俾大家。丹爺表示當時佢睇呢本小說時覺得有一個位好有趣。主角喬峰因為一啲江湖傳言被屈，所有人都因為江湖講嘅嘢就信到十足十，完全唔去考究真假。丹爺指套返嚟現時社會，竟如此相似，2023年的社會，網絡上充斥不同的謠言，諷刺現今社會人們看待真相的睇法。