《壯志凌雲：獨行俠》｜超熱血勁浪漫：係每個男人的夢想！
整套電影造型掀男士回憶殺
電影劇情圍繞住空戰、空軍、飛機師，自然造型相都有相對應的衣著，電影亦將第一集的《捍衛戰士》盡量還原的程度下，Tom Cruise著住飛機師外套（Flight jacket）配上墨鏡登埸，揸住電單車，呢個造型簡直掀起男人們的集體回憶！
每個男人的夢想：揸戰機、奔馳電單車！
Top Gun可謂講緊每個男人的夢想，如果講女人都想擁有過百個包包，咁男人可能就係揸戰機。Top Gun 2以實開飛機拍攝，揸F-14 與 F-18 飛上天令整體投入度極高，觀眾好似真係身在其中，同Tom Cruise一齊揸飛機咁，而且劇情軸心講述一班人去完成一個「不可能的任務」，有種挑戰性以及完全任務後成功感大增。電影中仲要除咗飛機之外，仲有唔少經典名車同埋電單車，例如《捍衛戰士》第一集駕著Kawasaki GPZ900R電單車登場，今集就延續Nija 900的經典車款，揸住Ninja H2係電影中奔馳，帶住黑超、吹起Flight jacket，男人味真係勁重！
沙灘show肌 揮灑汗水打美式足球
如果已經睇咗《Top Gun 2》觀眾可能會發現電影突然間Tom Cruise帶領其成員去咗沙灘打美式足球，原來係還原返第一集其中一幕經典場景之餘，都係滿足唔少男士都熱愛運動、揮灑汗水，可以係女士們大show健美體態的心理，而且成班男人一齊比賽做運動又係勁熱血！
男人的友誼：獨行俠與冰佬
如果有睇第一集的影迷就知本來「獨行俠」同「冰佬」其實唔係真係咁老友，同為頂尖的飛行員的「冰佬」，一開始都係睇唔慣「獨行俠」的作風，2人係從互不相讓到一同作戰，放下偏見再成為好友，有種「不打不相識」的感覺，而且劇中2人雖然對話內容不多，但帶出當中其無聲勝有聲， 一個眼神就已經知道大家想法呢種男人的友情，再加上相隔多年再次係大銀幕見到2人重聚，真係令人感動無比。
為何《捍衛戰士：獨行俠》被視為男人的電影?
Top Gun可謂講緊每個男人的夢想，每個男人的夢想都可能係揸戰機。而Top Gun 2就係以…詳情請看
捍衛戰士的第一集是在什麼時間推出?
經典電影《捍衛戰士》，是在36年前推出。
