飯戲攻心|Double May內地上映被刪變「九頭身」意思解釋勁癲
內地將「Double May」改成「九頭身」
近年中國對電影業的審查愈來愈嚴謹,不少電影因通過不了審查而無法於內地上映電影。電影《飯戲攻心》於內地得以上映都因此作出唔少改動,除咗改名為《還是覺得你最好》之外,其一個笑位對白都被明顯修改!香港版其中一幕講到林明禎首次嚟黃子華家中作客,被問到點解會睇中黃子華,林明禎大讚子華有才華,繼而張繼聰就笑指林明禎係一個「天真的Double May」,鄧麗欣就唔明咩叫「Double May」,張繼聰扮無知解釋係「閏五月」。內地版就改成「好一個天真的九頭身」,牽強配音改埋字幕,而解釋就變做「狗的頭生咗喺人身上,即係Snoopy(史努比)的同類」
一齊睇預告片:
傳黃子華鄧麗欣親熱片段都無埋
除此之外,在故事後期的高潮部份,戲中三佬陳湛文贏得電競比賽後,在家中吃飯時希望以一條溫情短片挽回瀕臨破裂的家人關係,結果後來因為林明禎「幫忙」反成大禍,導致黃子華與鄧麗欣的「閃片」在全家人面前「流出」,更因此觸發全家大戰,據指含有「閃片」的情節和鏡頭會被徹底刪走,至於導演陳詠燊如何可以修改劇情從而達到相同戲劇效果,就要看內地版才會有答案,不過《飯戲攻心》喺內地票房同影評都唔錯,睇嚟呢啲修改對《飯戲攻心》無太大的影響。
![飯戲攻心 電影中的混戰又變得如何引發?](https://imgs.nmplus.hk/wp-content/uploads/2022/09/-2022-09-14-2.52.15_201808592763217a24deb32-1024x519.png)
片名轉做學友歌名內地觀眾唔收貨
內地有網民見到內地版《飯氣攻心》片名被改做《還是覺得你最好》,反而覺得唔夾,指新名失去原本港式幽默味道不文不類,並表示好難令人記住,趕客味濃。
![飯戲攻心 內地網民唔撐](https://imgs.orientalsunday.hk/wp-content/uploads/2022/09/52_2092282292632159a381156-1024x876.png)
《飯戲攻心》有什麼必睇原因?
網民指要支持港產片首推《飯戲攻心》,有7大必睇原因,首先網民大讚套戲好笑,對白搞笑又貼地,更精心安排…詳情請看
《飯戲攻心》故事大網是?
一個家,最緊要齊人開餐。深信此道的大佬(黃子華飾)廚藝麻麻,唯有長期用…詳情請看