金像獎2024|8大精華回顧!《19歲》導演口出狂言、91歲胡楓大玩食字
Edan、Jer失新演員 輸俾10歲林諾
Mirror成員進軍電影界,榮獲2套電影提名最佳新演員的Edan,以及憑《阿媽有咗第2個》提名最佳新人的Jer,都被非常睇好。最後輸咗俾已獲金馬獎提名的《百日青春》-只有10歲的林諾。林諾講感言時非常可愛,點名多謝秋生哥,話「佢成日教我呢個點做…呢個點做…」。
![金像獎精華回顧 金像獎2023 8大精華](https://imgs.nmplus.hk/wp-content/uploads/2023/04/img_8834_1938604527643c19edaa18a-1024x768.jpg)
16項提名《正義迴廊》大熱倒灶
獲得16項提名的《正義迴廊》,只獲2個獎項,包括最佳新晉導演以及最佳剪接。大熱的最佳男主角、男女配角、最佳電影等盡失,唔少網民都大感失望。
![金像獎精華回顧 金像獎2023 8大精華](https://imgs.nmplus.hk/wp-content/uploads/2023/04/img_8899_2025044950643c1813b0c1a-768x1024.jpg)
麥浚龍拎手袋登場「賣廣告」
型佬麥浚龍潮爆帶貴手袋登場頒獎似賣廣告 JUNO罕有任頒獎嘉賓,帶埋Gucci手袋上台「賣廣告」,價錢款式被起底,據知該為「Gucci Diana 」系列竹節黑色小型手提包,價值HK$40,500,絕對高檔野!有網民指:「我以為佢會頒埋個袋畀人!」
![金像獎精華回顧 金像獎2023 8大精華 金像獎2023 精華 金像獎 型佬麥浚龍潮爆登場頒獎!](https://imgs.orientalsunday.hk/wp-content/uploads/2023/04/videoscreenshot-viutv-338917_591889911643be6ec2356e-1024x575.jpg)
Gucci袋價錢大公開 網民好奇背後原因 不少網民都對Juno的黑色Gucci手袋極感興趣,其實他手執的名牌袋是Gucci今年的新款,袋身以黑色皮革為主,而手袋的手柄則巧妙地選用了木手柄,價值$40,500,造型設計的確十分特別!而網民亦對Juno大搖大擺手持這個手袋上台的背後原因感到十分好奇,有指Juno因為受品牌方贊助而高調帶著手袋上台,獲網民大讚Juno是一個盡責的代言人,將手袋帶到台上最當眼的位置搏足出鏡率!
![金像獎精華回顧 金像獎2023 8大精華 金像獎2023 精華 Juno](https://imgs.sundaymore.com/wp-content/uploads/2023/04/whatsapp-image-2023-04-16-at-21.16.47-1_127075257643bf600e407d-1024x768.jpeg)
91歲胡楓大玩食字 仲話當紅女主角「佢都拍過」
終生成就獎得主胡楓上台時獲全場企起身拍手。講到感言時講返當年入行試鏡情境,自豪表示自己當年當紅的女主角佢都「拍過晒」,仲話而家難以破佢呢個紀錄。其後到家燕姐頒獎時,91歲的胡楓仲竟然搞起爛gag,大玩食字!胡楓表示佢契仔張家輝對於佢拎終生成就獎認為應該一早就頒俾佢,但胡楓就話呢啲嘢係要有順序,之前未輪到佢,所以佢今次係「序有認得」令全場笑住拍爛手掌。
![金像獎精華回顧 金像獎2023 8大精華 胡楓上台時獲全場企起身拍手](https://imgs.nmplus.hk/wp-content/uploads/2023/04/img_8894_1312063969643c1867581c8-1024x768.jpg)
劉德華逐個點評女主角 同Sammi 示愛
由劉德華頒發最佳女主角時,劉德華逐個點評提名女主角,講到Sammi時佢搞笑表示無嘢同佢講,就「I love you」,公開同Sammi 表達愛意,但讀錯Sammi電影名做落花流水。
![金像獎精華回顧 金像獎2023 8大精華](https://imgs.nmplus.hk/wp-content/uploads/2023/04/img_8912_1462249805643c18bd95f1d-768x1024.jpg)
Sammi鄭秀文:終於唔駛陪跑
經過10次提名,終於榮獲最女佳主角的Sammi鄭秀文,激動高呼「終於唔駛陪跑」,仲哼出胡楓得獎時剛哼了的歌「你知不知道,等到花兒都謝了」,叫大家記得呢個畫面,唔好放棄夢想。
![金像獎精華回顧 金像獎2023 8大精華](https://imgs.nmplus.hk/wp-content/uploads/2023/04/img_8911_816856949643c18d786534-768x1024.jpg)
6度刷身而過男主角吳鎮宇搞爛gag
金像獎最佳男主角,由吳鎮宇頒發。吳鎮宇自嘲竟然由「6度刷身而過」的男主角提名頒獎,仲搞爛gag表示而家唔係「青黃不接」,因為由黃秋生、劉青雲仲接緊。
![金像獎精華回顧 金像獎2023 8大精華](https://imgs.nmplus.hk/wp-content/uploads/2023/04/img_8917_924910871643c19383ef1c-768x1024.jpg)
《給十九歲的我》獲最佳電影 導演:唔好驚
每次頒獎時都會播放提名電影的片段,但《給十九歲的我》就完全無預告/片段播,最後仲竟然埋「最佳電影」。聯合導演講感言時叫大家唔好驚,時代需要佢哋拍紀錄片,叫大家「拍再先算,剪咗先算、上咗先算」
![金像獎精華回顧 金像獎2023 8大精華](https://imgs.nmplus.hk/wp-content/uploads/2023/04/img_8921_620978756643c1d0df0c1a-1024x768.jpg)