流浪地球2丨內地網民狂吹捧大讚好睇:已成功追上美國水平
廣告
2019年上映的中國3D科幻電影《流浪地球》,改編自劉慈欣所著同名小說,上映時叫好叫座,獲票房46.88億人民幣,仲成為中國最高電影票房亞軍。終於喺今年年初一賀歲檔期喺內地推出《流浪地球2》。截至1月28日票房超過22億人民幣,豆瓣評分8.2,一上映已成為內地熱話,上晒微博熱搜,個個大讚電影勁好睇,仲話CG勁過Marvel?!
《流浪地球2》︳睇戲變炫耀 人人爭住N刷
由吳京、李雪健領銜主演、劉德華特別演出的《流浪地球2》於大年初一上映,為《流浪地球》的前傳。現已為微博熱搜,內地人人討論大讚,仲出現早前香港2刷、3刷、N刷的狀況,爭住炫耀自己入場睇咗幾多次,好似睇《流浪地球2》已成為一種潮流,個個評論都俾5星,仲興起一句話係「俾5星,因為只能打5星」
![流浪地球2](https://imgs.nmplus.hk/wp-content/uploads/2023/01/mfgfx-gad5y3qnt5tiqdqqy0yiwhwklujysrdiwlexy_85740439863d747d0c6f21-732x1024.jpeg)
《流浪地球2》︳CG勁過Marvel
《流浪地球2》的影評最多人講就係話CG勁過Marvel,係中國版的超級英雄故事,大讚指中國科技已成功追上美國水平,《流浪地球》打開中國科幻片大門!「中國科幻電影大門,這次是炸開的!」不過香港網民就指因為好多Marvel電影喺內地都無得上。
![流浪地球2](https://imgs.nmplus.hk/wp-content/uploads/2023/01/-2023-01-30-12.35.34_206526627663d749ef85009.png)
《流浪地球2》︳中國崇高核心精神:無戰勝唔到的敵人
內地網民除咗讚CG特效之外仲大讚電影的故事、價值觀等。指電影係「宏大敘事、非常具體」,強調「人民創造一切的中國價值」電影中講述不少無論係西方定係其他國家面對災難的態度,強調中國的不同性,以及帶出其勇敢面對困難的精神,中國人係無困難克服唔到,無戰勝唔到的敵人,無完成唔到的任務,內地網民大讚要延續呢種文明。
![流浪地球2](https://imgs.nmplus.hk/wp-content/uploads/2023/01/-2023-01-30-12.37.22_123677232063d749e68b291.png)
《流浪地球2》︳紐約時報得30分
雖然內地講到咁勁,但係紐約時報就俾咗差評,仲僅僅得30分,滿分100,認為電影中月球大爆炸的情節可笑愚蠢。不過內地網民就認為評論係有偏見、可笑,因為《流浪地球2》喺海外的票房成績亦非常好,基本上場場爆滿,開畫上座率北美周末冠軍。
![流浪地球2](https://imgs.nmplus.hk/wp-content/uploads/2023/01/-2023-01-30-12.35.59_133557516063d749e83d7b8.png)
關鍵詞
流浪地球2
圖片來源:《流浪地球2》