奧本海默死因+6大趣聞揭秘!愛因斯坦先係「原子彈之父」?
奧本海默趣聞︳1. 羅拔唐尼做反派不一樣的iron man
《奧本海默》除咗要睇斯里安梅菲(Cillian Murphy)之外,第2位最吸晴一定係《鐵甲奇俠》羅拔唐尼(Robert Downey Jr.)。今次羅拔唐尼打破《iron man》時嗰種正氣、正義感,一改戲路做反派,結果真係帶嚟同以往與別不同的羅拔唐尼!唔少影評人甚至連Nolan都大讚羅拔唐尼的演技,成功擺脫英雄片中的形象,更令本來戲份唔多的角色,為咗羅拔唐尼而增添戲份。
![奧本海默死因 奧本海默](https://imgs.nmplus.hk/wp-content/uploads/2023/07/gf-09886_msg_37125267964ba23439f32f-1024x682.jpg)
奧本海默趣聞︳2. 「原子彈之父」原來是渣男!
奧本海默1904 年 4 月 22 日出生喺紐約市,係一位著名的美籍猶太裔物理學家、「曼哈頓計畫」的領導者、美國加州大學伯克利分校物理學教授,譽為「原子彈之父」。呢位「原子彈之父」除咗聰明、有領導能外,另一個特色就係佢唔似平時電影常見強大的科學家一樣咁「宅毒」。奧本海默喺電影中除咗教書同做研究之外仲非常溝得女,情史超豐富!喺電影中的奧本海默都已經睇得出佢私生活極具爭議,先是妻子相識時對方係有老公,後來亦展示佢背住妻子出軌朋友妻以及其他女性。真實人物的奧本海默仲有師生戀等,簡直係超多豔遇。
![奧本海默死因 奧本海默](https://imgs.nmplus.hk/wp-content/uploads/2023/07/r2_0017_oppen_5p_timed_ip_r02a_bt1886.0182806_162275497064ba24e6d5b26-1024x466.jpg)
奧本海默趣聞︳3. 愛因斯坦先係「原子彈之父」?
《奧本海默》成日都會見到歷史偉人愛因斯坦,亦都講到奧本海默有唔明的地方都會去問愛因斯坦意見。原來睇返歷史愛因斯坦先係真正的「原子彈之父」!當時愛因斯坦曾經寫信俾羅斯福總統表達原子彈係相當重要,如果俾德國搶先一步就完啦!所以根據後來美國《TIME》雜誌編輯認為,因為愛因斯坦先提出原子彈的重要性以及曾發表的公式,先會有「曼哈頓計畫」的誕生!
![奧本海默死因 奧本海默](https://imgs.nmplus.hk/wp-content/uploads/2023/07/gf-15120_msg_197172268564be30224145d.jpg)
奧本海默趣聞︳4. Nolan第一次拍床戲
睇開Nolan電影的粉絲應該會留意到Nolan少拍激動的18禁床戲,但今次就出現唔少18禁片段,仲因為咁令到《奧本海默》變限制級。點解Nolan會堅持要拍18禁床戲?原來Nolan表示咁樣先可以展示到2位角色之間係超越咗政治,而且更加理解佢哋之間的關係,同埋內在。
![奧本海默死因 奧本海默](https://imgs.nmplus.hk/wp-content/uploads/2023/07/gf-00539_142275713564be301f32f6a.jpg)
奧本海默趣聞︳5. Nolan電影終於有bug位?
名導Nolan出名處理細位細膩,但今次竟然比眼利的網民捉到有bug位!喺「曼哈頓計畫」成功後,一幕講奧本海默第一次去到台上發表的演講,台下眾人為佢鼓掌,而呢個時候眾人拎住的國旗係50星旗幟。不過當時1945年,美國只有48州,所以嗰時國旗應該係48星旗。由於bug位太明顯,唔少影迷懷疑Nolan係故意,認為當時係講奧本海默記憶中的事,所以唔算錯誤。
![奧本海默死因 奧本海默](https://imgs.nmplus.hk/wp-content/uploads/2023/07/gf-05393_msg_106850767464be302091e77.jpg)
奧本海默趣聞︳6.奧本海默真實死因早已埋下伏筆
奧本海默晚年時期在普林斯頓教授物理學,他一生吸煙成癮,1965年底因喉癌接受手術,之後接受放射治療和化療,並於1966年辭職退休。他在1967年2月15日陷入昏迷,18日在新澤西州普林斯頓去世,享年62歲,據說奧本海默的遺囑要求將他火化並把骨灰撒到維京群島上。
![奧本海默死因 奧本海默](https://imgs.nmplus.hk/wp-content/uploads/2023/07/r3_0028_imax_r16_01_v01_dkp_bt1886.0000448_56552355664ba25014e2a5-1024x716.jpg)
奧本海默趣聞︳7. 只有一幕有黑人演員
近年唔少電影都被評論過份「左」,特別係marvel、迪士尼的電影,會特意用黑人、女性做咗主角,而討論度最高一定係《美人魚》真人版。而影迷就留意到《奧本海默》3個鐘裡只有一幕係用咗黑人演員,被大讚連呢樣嘢都真實還原當時年代黑人喺社會地位問題。
![奧本海默死因](https://imgs.nmplus.hk/wp-content/uploads/2023/07/gf-07633_msg_175891227064bf92ddd7eb1.jpg)
)