【Kobe】其實獨女一個更開心？
「一個人的旅行」其實是個方式，正如食飯有時會一班朋友叫Pizza，有時會一家人食乳豬宴，有時會兩口子鋸扒，但總有想一個人食豆腐火腩飯的時侯。可能因為這刻你很想去而無人陪，又或者突然想試試一個人的滋味。
不少人都怕一個人旅行，最初我也不太情願，但十年前獨自在上海工作，每逢周末同事都要family day，捱過幾星期行行商場、在家煮煮飯、出外做下facial的日子，突然覺得人在外，無理由仍獨留家中做宅女。一個星期六早上，就跑到上海南站買火車票，隨處去一個地方，即日來回或兩日一夜。當時我其實想去無錫，但可能發音不標準，售票員聽不明白，我隨口就改了去南京(因為易發音)，就這樣開始了人生中的一人遊。起初獨遊是有點「焗去」，但慢慢發覺獨遊有獨遊的自在，之後就愈去愈長，愈去愈遠。
相對來說，香港人去旅行其實比較「怕死」，有次我一個人去柬埔寨，朋友知道後紛紛叫我要小心，又說柬埔寨好危險等等。雖然是溫馨提示，但講講下連自己都怯怯地。結果去到吳哥窟，一街都是獨遊客，而且只要你不是天生孤獨精，要識新朋友應該沒難度。那次我就與兩個同樣獨遊的香港女生一起晚飯吹水，萍水相逢，但感覺自在。旅行時的確需要一定危機意識，但千祈不要過份自己嚇自己。
下星期我又會再次獨遊，正確來說又不盡是獨遊。今次我會自己一個飛去非洲，但兩日後就會參與一個52日的Overland truck tour，由東岸肯亞穿越8個國家到最西南邊的南非開普敦，期間要與來自各地的團友一起紥營露宿、分工合作、煮食清潔、一同生活。
有個幾年前已獨遊過非洲的女性朋友一度善意提醒，說這類Trip可能會很難頂，「其實自己一個更開心」。我當然盤算過，亦預計將可能出現的情況，但難才要試，大不了咬住睡袋喊足52晚。性格向來急躁的我，捱得過此關，EQ值應該可激升百倍，就看看此行能否馴化我。
text-Kobe Wong
曾任職財經傳媒十多年
主理嘗滿‧SatisFactory私房菜兩年多
熱愛烹飪、熱愛旅遊、熱愛分享生活
識煮幾味又愛去旅行，同大家大雜燴分享一下
內容延讀：
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
