【Kobe】食得晒先至好買 食得晒先至好嗌
正所謂「食得晒先至好買 食得晒先至好嗌」，但經驗所見，不少客人見到MENU就會頓失理智，勸極都是點得太多，眼闊肚窄。作為服務業，唔想自己罪疚感太大，會提供足夠公用餐具，上菜時我亦刻意先上一些不可保留，如海鮮等菜式，隨後才上可打包的肉類。又提醒同事積極主動點問客人會否將食物帶走，其實多數客人都會很聽話將剩食帶走，有些甚至連汁都帶走，留來在家煮意粉，真心無任歡迎。
不過，中國「飲茶灌水」文化亦太根深蒂固，商務飯局客人的飯聚又是另一回事。通常商務客人點菜量一定要多，不單是夠食，是要食剩才算稱心。而且多數老闆先選好菜式，秘書再打電話來點菜，能勸減的機會甚微。進餐時，他們約一半時間傾計，三成時間飲酒，兩成功力就用來食十二成的菜式，所以往往剩下很多食物。而且商務飯，為怕尷尬，他們肯打包食物的機會相當之低。細個時阿媽成日話再浪費食物就送你去非洲，其實不用去太遠，亦不需參考甚麼飢餓指數，行轉天橋底都知好多人仍好需要食物。
以前餐廳午市是提供家常菜，每天更新餐單，食物要天天清，試過找些團體了解安排回收剩食，好人好事何樂而不為，想起都飄飄然。但為了這件事我打了去不下五、六個機構問，重複又重複地將自己情況講一次，結論是要捐剩食亦不容易。要捐，餐廳要知每日能剩下多少剩食，食物中不能有蛋或豆腐，講講下有職員曾私下反建議我不如自己去街上派就算。我當然沒有這種魄力，幸好後期一名廚房姐姐會將每日剩下來的食物裝起，分給她附近工作的朋友，我才不致太內疚。
正式渠道入手較難，坊間其實亦有分享食物的平台，如Facebook的食物放提(https://www.facebook.com/groups/3FoodFlow/)。只要保存食物妥當(要自己睇詳情)，很快就找到願意接收食物的人，減少浪費。總之記得，打包食物不代表你孤寒，只是你比人更懂得珍惜資源。公司春茗又就快到，大家識做啦﹗賀年食品有剩都可以想想。
坊間其實有分享食物的平台，只要食物保存妥當，很快就找到願意接收食物的人。
text-Kobe Wong
曾任職財經傳媒十多年
主理嘗滿‧SatisFactory私房菜兩年多
熱愛烹飪、熱愛旅遊、熱愛分享生活
識煮幾味又愛去旅行，同大家大雜燴分享一下
內容延讀：
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
